'O pueta

Da Wikisource.
Jump to navigation Jump to search
napoletano

Antonio Pisanti 1973 O Poesie letteratura 'O pueta
(Omaggio a Salvatore Di Giacomo) Intestazione 9 maggio 2011 75% Poesie

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT

Ve dico, amice care, pe ’nu poco
’e chi ’int’e vene ’nce teneva ’o fuoco,
’e chi, parlanno ’e Napule, senteva
4’a musica d’o mare ’e suspirà.

Quant’anne so’ passate e, ce penzate,
mo quante e quante cose so’ cagnate,
ma nuie cercammo ancora ’e ’stu Pueta
8quacche canzona ca po’ fa sunnà.

E si ’ncuntrate ’a luna a Marechiare
- a stessa luna ca p’e notte chiare
spuntanno ne sentette serenate -
12’e chillo, certo, v’arricurdarrà:

cu Napule teneva appuntamento
’stu Pueta e a sera tutt’argiento
facette ’sti culure ’e chistu mare,
16d’e vicule e d’e strade e’ ’sta città,

cuntaie ’sti Cunte chine ’e nustalgia,
facette ’e ’stu paese ’na poesia,
e ’sti canzone soie vanno ’p’o munno
20facenno ’e nammurate suspirà.