Ai casòt d'ingürie

Questo testo è incompleto.

-L'è granida, l'è rossa, l'è söl fior!
Do fète 'na palanca! Ardé, ardéla!
Fioi, fioi, curì. Ardé che tòc da cor!
Varda che sangue, ardé cume l'è bèla!

Pagato al banco. -Varda ché che stèla.
Sangue di drago. -Fioi, ma trèma 'l cor.
A m'è scapát la má. Lè pròpe chèla.
L'è rossa che la fa fin pura ai tor.

Par che la gh'ábe 'n sem la farinèta.
- Quand l'è issé dámen amó 'na fèta.
- servito. ardé stö cor cume l'è stagn.

Pèr do palanche 'ndu él an tòch cumpagn?!
Do bèle fète per 'na palanchina!
Daga 'n schifiot a chi ròi lé che cina!