Dalunc dla patria

Da Wikisource.
Jump to navigation Jump to search
ladino

Angelo Trebo 1887 D Dalunc dla patria Intestazione 18 marzo 2016 50% Da definire

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT

Dalunc dla patria.

(Ài 2 de Fora 1887.)

Dalunc dla patria.


Dalunc dla patria dlun drumblenn,
dalunc tres net y ont,
mo pôrteste demez dassënn,
ćiaval da fü liront.

Soront y su te cösc vagun
i sun atlò sonté.
Ći nëi chʼ al è defora dlunch,
y vigne rü dlacé.

I dlungiaía desco bâi
sʼ an sciampa vigne lën,
ombríes fosces fej i vai,
y al ci la löna vën.

Ćiamó naôta ćiari endô
a chi bi crëp dʼ arjont.
Na frizia i vëighi bën ćiamó
dalunc tal firmamont.

Inće chi ne vëighi plü!
Dagnora plü y plü ennant
mo porta ía le ćiaval da fü,
a döt i sciámpel dant.

O beles munts dla patria, adio,
a can chʼ i vëgni endô!
y fôsc ne dörera plü dio,
chʼ i passi endô atlò.