Einige Anekdoten in ladinischer Sprache/1
 |
Questo testo è incompleto. | |
Le mercadant da ćiavai
| ◄ | Einige Anekdoten in ladinischer Sprache | 2 | ► |
Le mercadant da ćiavai
N mercadant da ćiavai â mefo gonot la desgrazia, che ël i n morî. Süa fomena dunca le rejiava vign' ota ch' ël i n moriva un. A la fin dîjela tüt con les bones: "Vè, mi om! Tö ne t' en intënes tö de ćiavai. Te compres demà de te burć ćiavai da la vita lungia e da le col sotì; chi ne vè nia ëi; t' en mësses comprè de tai da n bel col gros, e da la vita bela cürta."
Sön chësta và le mercadant e en compra indô un che i mör inte otedé.
Desëin scomëncia la fomena a le rejié plü che mai. Mo ël i dà chësta resposta ël: "Vè, fomena! Chësta ota ài mo vorü stimé a te iö. T' as pö dit, che iö desse comprè ćiavai da na bela vita cürta; chëst l' à pa bëin avüda cürta assà ël."