Einige Anekdoten in ladinischer Sprache/12

Da Wikisource.
Jump to navigation Jump to search
N ater pice müt ê jü na ota a na noza

../11 ../13 IncludiIntestazione 22 aprile 2016 25% Da definire

11 13

N ater pice müt ê jü na ota a na noza


N ater pice müt ê jü na ota a na noza. Apëna che an s' â sentè pro le past, mët chëst müt man de mangé tüt a rota de col, infina che ël ne podô plü. A l' odëi che ël ê inćiamò tanć de crafuns e de canifli e cajincì arostis sön mësa, mëtel man de pité. La jënt ch' ê pro chëla mësa, le damana ći ch' ël i manćia. "Oh", dîjel, "che iö n' à incö le vënter de nosta vaćia foscia!" 

12 bis


Chësta ota ne vai pa a me confessè iö da Pasca


"Oh, chësta ota ne vài pa a me confessè iö da Pasca", dijô n pice müt a so pere. "Co pa no", dij le pere. "Sce ne venëis chëla biescia foscia, ne pòi jì, porćì che ëla me fej dagnora blastemè, e le blastemè é pićé ël. Sce an và dunca a se confessè, mëssen impermëte de ne le fà plü, e ći che an impermët, déssen inće mantegnì, scenò fêjen mi de ne jì nët nia." Oh, sce vignun pensass sura la confesciun sco chëst pice, jìssen manco a se confessè e menass alincuntra na miù vita!