Gespräche (grafia moderna)/IX
 |
Questo testo è da formattare. | |
| ◄ | VIII | X | ► |
An dij, che imparëis inće la müjica
An dij, che imparëis inće la müjica; él pa vëi?
Scé, ël é bëin vëi.
Ći imparëise pa a sonè?
I impare a sonè le clavier.
Oh, le clavier foss pa n bel divertimënt ël, mo plütost difizil da imparè.
Che ël é plütost difizil m' en anadai iö assà; perćì che ël é bele trëi agn che impare, e iö ne sà ćiamò tröp.
Imparëise inće a ćiantè?
I imparasse dërt gën inće a ćiantè, mo mi maester de müjica dij, che iö n' à nia dërt na bona vusc.
Oh sigü, sigü, por imparè a ćiantè mëssen prümadetüt avëi na bona vusc, scenò ne somëiel nia.
pagina:238
Chël pënsi bëin inće iö, dedechël ne vói inće nia scomencè.
Ëise bëin n bun maester de müjica?
Per savëi da sonè ne podéssel ester miù, mo ël n' é nia dërt diligënt col gnì a m' insigné.
Ël avrà mefo tröp da fà. Ël avrà tröpes instruziuns?
No, no; iö mine, che ël sie demà insciö frat.