Gespräche (grafia moderna)/XXI

Da Wikisource.
Eh! Jan!

../XX ../XXII IncludiIntestazione 21 aprile 2016 25% Da definire

XX XXII

Eh Jan


Eh! Jan!
Patrun! Signur!
N' aste pensier de levè tö incö?
Iö sun bele levè.
Porćì ne vëgneste pa dunca?
Iö minava, che dormisses inćiamò.
E sce i avesse dormì, m' avesseste devü cherdè a l' ora ch' ël é. Ne saste pa, che iö leve dagnora a les sies?
A mia ora n' él ćiamò les sies.
Tüa ora à dagnora valch de pesonder ëla. Fà sö le füch atira!
El füch é bele fat ël, Signur.

pagina:250

Dàme ca na ćiamëja nëta.
Chilò éla.
Ëla é tant frëida.
Sce vorëis, la scialdi.
No no, chëst n' é debojëin. Portéme mies ćialzes de sëda.
Ëles é scherzades, ëles à büsc.
Ne poste pa n pü' les cuncè?
Iö les à dè a la sartorëssa.
T' as fat bëin. Olà él mi zochi?
Chilò éi.
Dàme le fazorel.
Chilò n' ëise n blanch.
Dàme chël che é inte la tascia de mia joca.
Iö l' à dè a la lavadëssa, ël ê n püch sporco. Ći guant vorëise vistì?
Chël che i à avü inier.
An à batü a porta.
Và, ćiara, chi che ël é.
Ël serà le sartù.
Làscele gnì ite.