Iuvenilia (Galilei)/Quaestio secunda - De ordine, connexione et inscriptione horum librorum.

by Galileo Galilei

Quaestio secunda - De ordine, connexione et inscriptione horum librorum.

../Quaestio prima - Quid sit id de quo disputat Aristoteles in his libris De caelo. IncludiIntestazione 22 settembre 2022 75% Da definire

Questo testo è completo.

Galileo Galilei - Iuvenilia

Quaestio secunda - De ordine, connexione et inscriptione horum librorum.

◄

Quaestio prima - Quid sit id de quo disputat Aristoteles in his libris De caelo.

Quaestio secunda.

De ordine, connexione et inscriptione horum librorum.

P.^a opinioQuo ad ordinem et connexionem, Mirandulanus, in lib. 15 Singularis certaminis, sec.^e p.^a, putat hos libros esse primam partem philosophiae naturalis: tum quia in initio p.ⁱ De caelo ponitur communissimum prooemium ad naturalem philosophiam¹: tum quia 8 libri Physicorum, cum in illis agatur de principiis tam rerum corruptibilium quam incorruptibilium, non possunt spectare nisi ad metaphysicum; ac proinde etc.. 2^o opinio.Recentiores quidam arbitrantur, hoc opus inserendum esse libris de animalibus: tum quia Aristoteles, 2^o Caeli t. 7, agens de positionibus caeli, dicit se de illis copiose disputasse in his, quae circa animalium motus; tum quia, paulo infra, docet caelum esse animatum. 3^o opinio.Simplicius et Albertus Magnus, quos cum omnibus et nos sequimur, tenent, hos libros sequi 8 Physicorum, et secundam philosophiae naturalis partem constituere. Conclusio probatur p.^oProbatur hoc, primo: quia in lib. Physicorum actum fuit de principiis et proprietatibus corporis naturalis in communi; ergo immediate post, debuit agi de prima specie corporis naturalis, quod est corpus simplex. Nam priora, secundum naturam, debent praecedere posteriora: sed mixta, de quibus agitur in lib. Meteororum, sunt posteriora elementis, cum sint ex illis composita: ergo in hoc opere iure actum est de corpore simplici. Hoc idem probatur ex Aristotele, qui in prooemio² Meteororum haec scripsit: De primis quidem igitur causis naturae, et de omni naturali motu, adhuc autem et de astris dispositis secundum superiorem lationem, et de elementis corporalibus, quot et qualia, et de transmutatione invicem et de generatione et corruptione corporum, dictum est prius. Probatur 2^o.2^o: quia Aristoteles in 8^o Physicorum egit de primo motore; ergo debuit immediate post agere de primo mobili et prima circulatione, quae explicantur in his libris. Quae ratio non solum probat, hos libros subsequi 8 Physicorum, sed etiam duos priores praecedere duos alios subsequentes. Quamvis hoc idem hoc etiam ratione possit confirmari: caelum est simplicius et nobilius elementis; ergo etc. Ad p.^um argumentum p.^ae opinionisAd primum primae opinionis respondeo, cum Simplicio, Aristotelem fecisse huiusmodi prooemium², ut hos libros cum 8 Physicorum connecteret, et quia aggrediebatur primam corporis naturalis speciem explicandam. Ad 2^um.Ad secundum, patet ex Physicis. Ad p.^um 2^ae opinionis.Ad primum secundae opinionis respondeo, quod pari ratione sequerentur, libros Perihermenias³ adnectendos esse libris De anima; quia in illis dicit Aristoteles, se multa egisse de vocibus, ut sunt similitudines rerum, in libris De anima. Ad 2^umAd secundum, patebit ex dicendis.

Circa inscriptionem, secundum Alexandrum, Simplicium et Graecos, hi libri inscribuntur De caelo, a parte nobiliori: secundum Albertum Magnum, D. Thomam et Latinos, inscribuntur De caelo et mundo. Nomine autem mundi intelligunt quatuor elementa; quae significatio nota est etiam Aristoteli, p.^o Meteororum c. p.^o, dicenti, mundum inferiorem, idest elementa, debere esse contiguum supernae lationis.

Divisio huius operis patet ex solutione quarti argumenti praecedentis quaestionis; et magis patebit ex sequenti⁴ explicatione contextus.

Varianti

1. 31. proemium — phylosophiam, qui e altrove: altre volte, correttamente, phil,... e così uniformeremo.
2. 16, 27. proemio, proemium –
3. 31. Periermenias –
4. 5. sequaenti —