La bolp i l korf

Da Wikisource.
Jump to navigation Jump to search
ladino

Ujep Antone Perathoner B La bolp i l korf Intestazione 10 marzo 2016 50% Da definire

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT


La bolp ie jita n di a ciacia y s' à scundù te na pitla siena. L ne dura giut, jola n corf adalerch y se sënta su na rama de chësta siena. La bolp, che ne n' ova mo mei udù tan n gran ucel, se spierd drët ala pesta. — Canche la l à abù n pue' cunscidrà y che la à udù, che l ne ie n tier drë periculëus, se tolela l curagio de rujené y dij bel da smielera: "Bon di, berba! de ce vieres per streda?" — "Ie," respuend l corf, "ie vede a me crì mi marënda."

— "Y i ce maies' a po?", damanda inò la bolp drët da malziëusa.
— "Iermes y d' autri pitli tieres", dij l corf y jola ju de rama a tlupé su n ierm che se streflova bel plan via per tiera.
— "Ie maie bën nce de gran tieres, ie" dij la bolp se la rijan crudelmënter; y n chël mumënt i arsëscela al col al corf y l zera.

— L ie daniëura miec a ne se dé ju cun n smieler y maliziëus, per via tert o abenëura te la faral dessegur.