La buna saira, meis char spus

Da Wikisource.
Jump to navigation Jump to search
romancio

Peider Lansel 1908 B La buna saira, meis char spus Intestazione 22 febbraio 2016 50% Da definire

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT

Scarica in formato ePub Volkslieder 50%.svg  di Autori vari

59.

(Annalas VII, Derin, p. 62 — 3.).

La buna saira, meis char spus,
Vuless tschantschar duas pleds cun vus!
     Jofaliolela jofalia.

Scha vus cun me 'vais da tschantscher
5 Schi cun pochs pleds as fat incler

Perchè passond davant me her
Nun' s 'vais degnó d' am salüder?

Scha salüdeda ch' eu nu' s hé
Crai bain d' havair radschun per que.

10 O cour mieu usche cher
Sto que propi dvanter
Cha tü stoust ir davent?
     Ajo, so, so.
Ach pudess mieu cour cher
15 Quell' ura bod river
     Ch' ün gniss am suterer …

Ch' ün bel vasché.
Cun craunz gnissast alur
Sün mieu vasché cun honur
20 Gnissast tü am purter.
     Ajo, so, so.

O cour mieu usché cher
Mieu giavüsch füss eir sto
Pudessan in ün di
     25 Ans suterer.

Usché stovains glivrer
Nos plondscher tanter per
Per ans stovair partir
     Ajo, so, so.

30 Schi vöglia giavüscher
Cha Dieu at vöglia der
Tuot quai cha tieu cour cher
     Po' s impisser.

Da no tieu maun a mi
35 E tuocha maun a mi
Aunz co' ns partir da qui
     Ajo, so, so.

Dieu chüra, vest davent,
Ils tais saron cuntaints
40 Ma forsa per poch temp
     Ajo, so, so.

b.

(Annalas XI, Vital, p. 216 — 7.)


La buna saira, meis char spus,
Eu v' less tschantschar duos pleds con vus.

Duos pleds con mai volais tschantschar,
Schi con pacs pleds as fat incler.

5 Vus m' eschat passà daspera via,
Non s' vais degnà da 'm salüdar.

Scha salüdada eu non s' hai,
Schi ha eu la radschun per quai.

Non staivat esser usche 'ndiscret,
10 Non staivat crajer in vardet.

Eu ha bain vis eir l' oter di
A discurrir con quel ami.

Non staivat esser ün crudel,
Vus staivat dir, chi chi ais quel.

15 Chi chi ais quel as vögl bain dir,
Ch' el ais eir ün da voss amis.

Non staivat esser usche 'ndiscret,
Non staivat crajer in vardet.

Eu ha bain vis eir l' oter di,
20 Cha con partir as vais bütschats.

Gni nan eir vus, il meis char spus,
Eu sa d' avair saimper amur.

Amà cha 'm vais que crai eu bain,
Ma na da cour, sco chi' s convain.

25 Che volais vus eir oter dir,
Scha saimper s' ha amà dal sgür.

Vus crajais da 'm far il strapatsch,
Schi sün meis cheu port il chapè.

Scha sün vos cheu portais chapè,
30 Schi la baretta porta meis.

Eu sun containt da meis destin,
Cha l' amur nossa fa üna fin.

Schi Buetigott il meis char spus,
In man da Dieu as di a vus.