La slites

Da Wikisource.
Jump to navigation Jump to search
ladino

Jan Batista Ploner S La slites Intestazione 6 settembre 2015 25% Da definire

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT

La slites.


1.
Cincin cincin, cincin cincin!
Audide la brunſineres!
La slites vën; cincin cincin,
Ciavei ke luſh da stleres.

2.
I vën a trot i a sparon
Da Kol dala Pelda ite.
Na pert ie bele ſha Pigon,
Prësh passi pa tlo ite.

3.
Nkuei ulonsa m pue i cialè
A kish ke vën n slita:
She n ie de tei da maridè
Por via de vel desdita.

4.
A tei dëssun fe la sief
I m pue i fermè la slita;
Po i de l kunsëi, ke tala Plief
Poi ſhi a ste si vita.

5.
De burta ſhëunes skiva m pue
De ſhi nkantëur n slita:
Puer ëiles: ie danz mila zue
Ad ëiles per si vita.

6.
La beles sënta su tan giën,
Ke l per, ke les sibe stances;
Ma i diſh, ke les ie tan reres ſën,
Ades sk’ la moshes blances.

7.
Sën ruvles tlo; unide a udëi!
Unide ka i cialëde;
L ie la slites da Urtiſhëi;
Cialëi a una al jëde.

8.
Ce lingia longia! Tan da ſhënt!
Ce guanc, ke feſh paruda!
Blot or i sëida i arſhënt,
Gurmei po ke stramuda.

9.
L knëidel ie daniëura mo
N bel ciapel dad ëila;
Ma la kazina uel m po
Se fe udëi nc’ ëila.

10.
I ëisa po cialà ai ëi?
L plu kun brejes kurtes;
Al moto i sa nce a Urtiſhëi
La longes massa burtes.

11.
Shi shi: la modes da zakan
Vën for mo respetedes;
La nueves vëigun for mudan
I massa prësh zaredes.

12.
Ce bel ke l fos, cincin, cincin
Avëi n grum de slites,
Ciavei assè i dut l vin
Del lont i no debites.

Sen. Shambatista da Sotanives.