Le le de munt

Da Wikisource.
Jump to navigation Jump to search
ladino

Angelo Trebo Le le de munt Intestazione 19 marzo 2016 50% Da definire

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
Le lé de munt.

O lé tan amabil y bel licioront!
Te to bel sarënch se ćiara le firmamont.
Te to bel azur se vëiga les munts,
se vëiga i crëp con la colma a funz.

Y aries lesíeres co sofla morjel,
dagnora te baja y te straiha dër bel;
dagnora te enfrësca da sëra le frunt
con mile odurs les aries de munt.

Dla ega bër i rehli y vicí.
Sora te ía sʼ araita saurí
dal mer les ánores dlun se nainenn
y dlun sʼ acanenn y dlun barbotenn.

Damprò da tè tö mo tires, o lé,
gonot, por mʼ orëi dër bel consolé!
Oo, fosste almanco naôta pö bun
da i tó a mio cör le gran encorscemun.