Pagina:Çittara zeneize 1745.djvu/192

Da Wikisource.

Del Signor Giammichele Zoagli al Cavalli.


B
allin, che matto sâto tutt’assemme

Hǽto moǽ fæto? de pescao sódâ?
Fâ rolli, e artaggiaríe strascinâ,
In cangio de fâ nasse, e menâ remme?

Ra Fortuña per ti pâ chi se spremme,
Voggiandote a ogni mœuo immortalâ.
Perchè no canti tu dra nostra Armâ,
Re Campagne lasciando, e re Maremme?

De Zena re vittœurie, e ra roviña
Dri sœu nemixi te daran ciù ónoî,
Che no te darà moǽ ra tò Maxiña:

Onde sæ ra tò Muza chì fra noî,
Come in Ferræra zà quella Diviña,
Chi cantà così ben d’Arme e d’Amoî.