Pagina:AA. VV. – Opuscoli e lettere di riformatori italiani del Cinquecento, Vol. II, 1927 – BEIC 1889291.djvu/147

Da Wikisource.

cadat ad vos attinere curam rerum ecclesiasticarum, quod sacerdotibus solis id muneris sit adsignatum, ut arcani Domini deportent. Hic commemorant Ozam quendam inclinatam arcani sustinere volentem misere periisse, quod is sacerdos non esset. At vero parietes istos dealbatos si quis roget, qui fuerit iste Oza, num e sacerdotio regali et sancto pius aliquis imperator, num rex, num populi princeps et dux, quetn vobis ita proponant, quid respondebunt? Si quis postea roget, quis eduxit de Aegypto populum Dei? respondeant necesse est, non sacerdos aliquis, sed Moyses ipse dux et imperator populi. Quis, ut multa praeteream, dcclaravit ac consecravit Aaronem et sacerdotes caeteros, nisi imperator populi Moyses? quis praecepta Dei proposuit servanda? quis ritus et solemnitates instituit? quis arcae isti primum ex voluntate Dei formandae praefuit nisi Moyses cum imperio? Quis postea arcam foederis istam recte exportari iussit sacerdotibus? annon Iosue, filius Nun, dux exercitus Israélitum? cui Dominus inquit, «tu autein praecipe sacerdotibus, qui portant arcani foederis». Quis arcam Dei neglectam a sacerdotibus reduxit? nempe David, rex bonus, pius et felix. Quis arcam istam in tempio et sancto sanctorum collocava? nonne Salomon summa et admirabili sapientia rex cum optimis principibus? Quamobrem si arca ista ecclesiam significat. qui melius praeerunt, ut ea ad voluntatem Dei conformetur? qui praecipient, ut plaustro verbi Dei vehatur per sacerdotes? quorum est ottícium, ut curent, ut a sacerdotibus diu neglecta reducatur? in qua impuri quidam Ozae, non uncti Spiritu sancto, arrogantes contemptores praecepti Dei, dutn arcam sustinere volunt, ipsi cadant: quorum tandem est in illustri loco et sancto collocare arcam istam, ut quiescat, nisi magnorum imperatorum, sanctorum regum, invictorum principum, in quibus habitat spiritus Dei? Quibus vero magni principes id oneris imponent, ut arca comportetur? num Ophni et Phineae, aut iis qui Domino ignem alienum offerunt? minime: at e populo acquisitionis, ex regali sacerdotio, e gente saticta delectis viris, qui, si per vos nunc liceat, principes, neglectam iam diu ab impiis sacerdotibus tandem pulcherrime reducent et in loco illustri et sancto collocabunt ecclesiam Dei.