|
jornata i. trattenemiento iii. |
51 |
verria fare la maneca de lo cortiello, che le levasse la vita. Non perrò, si l’accidimmo mo, ch’è prena, se n’escerà pe la maglia rotta chillo temmerario, che, pe ve mettere dinto na vattaglia de disgusto, v’ave armato lo cuorno diritto e lo manco; pe v’ammezzare la politeca de Tiberio, v’ha puosto nnante no Cornelio Taceto1; pe rapresentareve no suonno vero d’infammia, l’ha fatto scire pe la porta de cuorno. Aspettammo, adonca, ch’esca a puorto, e sacciammo quale fu la radeca de sto vituperio, e po ponzammo e resorvimmo co grano de sale che cosa n’averrimmo da fare.» Ncasciaje a lo re sto conziglio, vedenno ca parlavano
assestato ed a separo2, e perzò tenne la mano e disse: «Aspettammo l’eseto de lo negozio.» Ma, comme voze lo cielo, jonze l’ora de lo partoro, e co quattro doglie leggie leggie, a la primma shioshiata d’agliaro3, a la primma voce de la mammana, a la primma spremmuta de cuorpo, jettaje nzino a la commare dui mascolune, comme a dui pomme d’oro. Lo re, ch’era prieno isso puro de crepantiglia, chiammaje li conzegliere pe figliare, e disse; «Ecco è figliata figliama, ma è tiempo d’asseconnare co na saglioccola.» «No,» dissero chillo viecchie sapute (e tutto era pe dare tiempo a lo tiempo) aspettammo, che se facciano granne li pacionelle4 «pe potere venire ncognizione de la fosonomia de lo patre.» Lo re, perchè non tirava vierzo senza la fauza-
- ↑ Giuoco di parola tra Cornelio e corna.
- ↑ Saggiamente. Nella G. I, 10: «Va, sore mia, ca non parle a separa.»
- ↑ Vaso, nel quale le partorienti soffiavano forte per aiutare le forze nei dolori del parto. Il Cortese: «Spriemmete, figlia, spriemme, ca non dura Troppo st’ammaro, e vennerà lo doce; Spriemmete, bene mio, sta ncellevriello; Aiutate, tè, shioshia st’agliariello!» (Vaiass., II, 2). Cfr. Del Tufo (ms. c., f. 55-7).
- ↑ Bambini. V, n. 16. p, 22
