Pagina:Curti - La giornada del lócch.djvu/27

Da Wikisource.
18 Antonio Curti



Poeu tàsen tucc;1 el par che ón temporâl
Te i abbia scorlii2 su, de tant c’hinn quiètt:
Se po sentì on moschîn che proeuva i âl;
Se po sentì duu pùres3 a ripètt
Del so amór i paroll! Ma ti, geniâl
In tutt i robb, te picchet4 li ’l progètt
A quij mèzz indorment, de fà duu pass,
Per vîv, per fa queicoss, per dissedass!5


Poeu subit, per to cunt, te fet on sègn
A trii o quatter de quij sicûr, provaa;
De quij che a to giudizzi hinn pussee degn
De la toa scoeula; e lôr, ben soddisfaa
De vègh l’onór de statt in compagnia,
Pienten lì tucc: amis, mórós, e via!

  1. Poen tâsen tucc - Poi tacciono tutti.
  2. Scorlii su - Sottoscuotere, Scossi (Cher.).
  3. Duu pùres - Due pulci.
  4. Te picchet lì - Metti in tavola.
  5. Per dissedass - Più per sgranchirsi che per svegliarsi.