Pagina:De Marchi - Milanin milanon.djvu/25

Da Wikisource.
Jump to navigation Jump to search

— 23 —

strad, in bocca, in di œucc, in del nas, in di saccocc, la scond i ciar, la smorza i ôr, la tacca el fèr, la smangia el sass, la ferma come on mur i carr, i bèsti, la gent e i lader so parent.

E tutt i ann l’è pesg. Quanti mi seri on bagaj me regordi che passaa fœura l’estaa de San Martin, se spettava on cossin de nev per Sant’Ambrœus. L’inverno, già se sa, fa el so mestee. April fa i rœus, desember fa el mornee. E che legrìa l’era vedè sta nev a vegnì giò. De chì, de lì, de là, bianca, larga, sfioccada e citto citto senza fass sentì la te sbiancava i tècc, la cort, la strada, i scoss — tutt coss el deventava lisc e moresin, propri come on cossin... e giò, bagaj, per strada a fa la tòmma, a battajà, a fabbricà, a rotolass, a scaldass in quell bel materass de bombasina. Che legrìa,