Pagina:De Marchi - Milanin milanon.djvu/36

Da Wikisource.
Jump to navigation Jump to search

— 34 —

rott, i gamb biott e adoss on strasc d’on gipponin che, Gesù bambin! al manda fœu di bœucc ca paren œucc.

Sont nassuu lontan lontan cent mïa de Milan, e in sto dì de Natal sont come on can, senza la mamm e senza ol pà, sont chì sol a guardà i olter che gh’han la mamm, ol pà, la cà; e pensi al mè campanin, mi poer spazzaccamin, pinin pinin.

Lor sciori hinn staa tant bon de dimm: — Ven chì, scoldet, piscinin; mangia on tondin de risott; tœu on tocc de manz, de pan, de panatton. Scoldet, quàttet, bev on gottin de vin a cunt de quell Bambin, che l’è nassuu anca lù pinin pinin.

Grazia a lor sciori, grazia! — Gh’al disi col magon che sa de panaton.