 |
Questa pagina è ancora da trascrivere o è incompleta. | |
Fidel Willi 695
L' Italia, la Frontscha perfin l' America e l' Africa, havevan ad el sez et a
sias soras differentas gadas dau agid; siu meglier terren fuva denton la
Germania, e per quei ei el era la davosa gada seviults cheu enconter.
Cun enorms strapazs, strusch resti si dies, travarsescha il pauper Capuziner
la Germania din cantun entochen lauter. Grondius aspects eran sia consolaziun.
… En las ferdaglias dils 8 de Fav. ei el per fatschentas ch' el
haveva a s. Gagl, vegnius tras il Tyrol e sur igl Adlerberg, et ils 15 ha
la mort nunspetgadamein fatg fin a sia aulta missiun. Sche numerus merets,
sche carezia proximala sch' in complein sesunfrir a Diu et alla carstgaunadat,
sch' ovras de misericordia formeschan la facultat, ch' il carstgaun sa prender
cun el vi sur la fossa, sch' ei Theodosius comparius cun grondas rihezias
avon il divin derschader. Dieus concedi ad el il perpeten ruaus.
FIDEL WILLI.
Onna Maria Bühler de Domat 1799.
(Nach Ms. Ne.)
Gronda fuva bein la guerra
Dils Franzos cun ils Grischuns.
Fitg tremblava nossa terra,
Ferm tunavan ils canuns.
5Ferms, versai de far battaglia
Eran ils Franzos zund fitg;
Buc podeva la puraglia
Il cantun defender ditg.
Vesas gl' inimitg sgarscheivel
10Leu a Domat tut mazzar?
Segner! eis ei buc posseivel
Als Grischuns de se salvar!
Ina giuvna ferma, bella
Vegn neutier en quest moment
15Batter vul quella purschella
En perighel schi trement.
Ella cloma tut segira:
„Tgei temer e tgei fugir?“
Ella ha, stupescha, mira!
20Bucca tema de morir.
Oravont va cun fidonza
Uss 'la giuvna el combatt.
Tuts suondan cun speronza
Igl exempel' ch' ella dat.
25Mo in pal la giuvna prenda,
Sils Franzos dat furibund;
Agl emprim il tgau la fenda
E sturnescha il secund.
Quei ils inimitgs vesevan
30E spert fuian anavos.
Alla giuvna bucc podevan
Star enconter ils Franzos.
Liberai per questa gada
Eran Domat, ils Grischuns.
35Onna Bühler, la stimada,
Vivi en nossas canzuns!
