 |
Questa pagina è stata trascritta ma deve essere formattata o controllata. | |
716 Giachen Caspar Muoth
Spitgont, ch' ei mundi si el tgau ina flamada.
Mo nuot, cheu di latin: tgei gida ponderar,
Buein in sitg! e lu lein nus deliberar.
65 Saveis damonda el, saveis vus tgei maschina
In drova, con pieum, caschiel, e conta frina?
O na rispunden Unisonò
Ed aulzan si il glass tiel nas e schvidan ô
E fetschien bravamein a lur magun Lischiva,
70 Schei vulten lu vignir sin baul ni tard ariva.
Finalmein, o, Micron ti megler dils grischuns,
Ti vul uss translatar bizochels en macruns,
Macruns ei il madem! O tgei renconoschientscha
Ein ils Grischuns culpons a tia tutsabientscha
75 Bravo Longin ha er' enflau zitgei e di
„In plaid schi gron, ch' in stol scriver si
Amitgs tadlei, jeu sai Na . quei er' ina stoda
La muma fa traso macruns en quella moda:
In prenda aua e sal e lai buglir quei fetg,
80 E catscha ils macruns lu giu en quei muletg.“
„Fiat“ din tuts, Longin, sche ti sas la maniera
co cuschanar, Fiat ti eis la cuschaniera.
Vigielgia da Nadal ei cheu gl' entir marcau
E nus ensemblamein cun el vein giginau
85 Er ils . . . . . han oz encunter lur natiras
Secuntentau buiu gie mon in pèr masiras
Ed in studen satel cun siu magun normal
Sa viver in miez di è senza, carn d' armal.
In solver sa scadin muncar cun pintga peina,
90 Ins drova mo guder la sera meglra tscheina.
E nus Alpins, che lein tschenar macruns, tgisà
Savessen bucc muncar da solver inagà
E Pilver, cu' i va encunter sera,
Sche spetg' ins ualti vess sin la tschavera.
95 Mo quella vegn cun ses delicis finalmein,
E quei tadlei vi jeu risdar pulitamein.
La notg haveva giust bess surengiu la rassa
E detg al curatur d' illuminar la gassa,
Cul cuschanier Longin vigneva sul sulau
100 Cargaus cul cungiament, ch' el veva ual cumprau.
Ei veva giu chischun en quella lavuretta
