 |
Questa pagina è ancora da trascrivere o è incompleta. | |
A Mesiras 743
185Tut tenor igl uorden veder,
Tchunc per in sin in mulschèder.
Tchunc ga dudisch fan sisonta,
Sco' l signur scolast pretenda
En siu quint dell' envernonta,
190Dat mulscheders pia dudisch.
Mo tenor artichels veders
Valan mo de far mulscheders
Umens giests, nunpartischonts.
Tuts patruns e ses fargliuns,
195Bab e mumma ed affonts,
Tats e tattas e cusrins,
Augs ed ondas e zavrins
Ston la sort lu turnentar,
Cur ch' ei vegn de bollettar.
200Mulscher deigi quei mulscheder,
Sco sch' el oz fuss perveseder,
Mulscher lev e trèr pil lepp,
Ch' ella detti aunc in schlepp,
Bucc laschar il latg egl iver
205Ed ils paupers lu schar viver!“
Schia plaida quel, che regia
Tut las caussas dina tegia,
E suenter pintg' urialla!
„Paschentader! la capialla!
210Uss volein nus bollettar!“
E scadin, che vegn e metta
Ent' il cup siu toc bolletta,
Ina tezla, bein marcada
Cun la noda - cas' artada.
215Paul, il pop digl aug scrivon,
Gl' innocent, carin affont,
Ha l' honur de trer las sorts,
Ei gl' emprim empau schanaus,
Er el gie aunc bucc disaus,
220Sco siu bab de star avon;
Quei vegn meglier onn per onn.
Mo fertont ch' ils dudisch umens
Sin commando mavan sut,
Eran spattatschai pertut,
225E fertont ch' ils emploiai
Cul marcar ein fatschentai,
Curran auters tras il stavel
Paterlont e criticont
Spiculont e spiunont.
230Er' la Stina, la Calustra,
Mav' entuorn fagient la mustra,
Peglia tema, cu' la vesa,
Co gl' ugau de spenda sesa
Sut la vacca, la solletta,
235Ch' ella veva en bolletta.
Al mulscheder sevischina
Tut bufatg la casarina.
„Catsch' ei brav? Signur
ugau!“
Di la dunna. „Moh,
empau.“
240Fa gl' ugau tut bruscamein:
„Vus haveis halt bucca fein;
Maunc il fein, sche maunc' il latg;
Schia stat ei cun il fatg.“ —
E la dunna tummentada
245Se retrai cun ina gada;
Fuss' ei stau il Gion, siu um,
Fuss' ell' ida tocca sum.
Mo il nausch ugau dils paupers
Er' en caussas bucca maufers.
250E dalunsch la dunna mira
Sil mulscheder e suspira.
Ella vesa, co el tilla,
Co el stroccla, co el stilla.
Mintga schlepp va' i ina fetga,
255„Schia vegn la vacca schetga.“ —
Mo turnont dal stavel giu
Catta Stina siu mariu,
Co quel deva giest il sal
Alla Néra d' gl' aug Mistral.
260Dunna Stina ha suspect,
Ch' el per temmas e respect,
Ord risguards e tuppadat
Mulschi mo la mesadat.
Al caluster va 'i schnavurs,
265Dont la dunna leu sinzur,
E tuccont quell' en ils cauls,
Fuss el prest daus vi de mauls. —
Dunna Stina vegn cul pugn
Al Caluster si pil grugn:
270„Ti vi jeu mussar de viver!
Sche ti lais il latg egl iver!
„Sas ti bucc, ti bov cun plètg
Mulscher quella bein endretg?
Sgniappatagner, cuccalori,
275Tgiagiacaultschas, tappalori,
Mél cun cornas, tup e gniuc,
Miserabel lap e cuc,
Bab de casa turpigius,
Venterleufer, piertg rugnus,
280Rustg carpau e tgau tschagrun,
Mènder schani, ver paltrun!
