 |
Questa pagina è ancora da trascrivere o è incompleta. | |
Il cumin d' Ursera 1425
747
Il cumin d' Ursera 1425.
1. Co' gl avat de Muster, Pieder de Pultengia va a cummin on
d' Ursera.
(Ineditum nach dem Autograph des Dichters.)
Ina loscha cavalcada,
Roscha ferma sco de guerra,
Pass' ils trutgs de vall d' Ursera:
Segner Pieder de Pultengia,
5Igl avat de Disertina,
Va a pêr cun Clau Camengia,
Il massèr de glieut cumina,
E migiur de Hospental.
Quels suonda Gion Pultengia
10Sco menader e mistral.
Segner Pieder sin viadi
Culla glieut dil vasalladi, —
Cumpognaus da quater paders,
Ils capabels urentaders
15Dellas caussas e fatschentas
Delicatas et urgientas,
Pertgiraus dals campiuns,
Simpels, nobels e baruns,
Dals honors della Cadi,
20Cheu rimnai en in tschupi.
Agl avat la crusch terlischa
Sot la lada barba grischa;
Gion Pultengia tegn la spada
Sin la queissa enferrada;
25La bandiera della ligia
Porta l' Uolp de Sulvanigia;
Tschegn de Phiesel tegn la lontscha
Silla tschenta en ballontscha;
Clar terlischan ils sparuns
30D' Adalbertus de Chischliuns;
Aunc pli clar las capellinas
D' ils dus fegls de Clau de Spinas;
Il turschett ferm entameun
Vegn de Medel il Pageun;
35Paul de Sax va è gagliard
Sil schuvi il halumbart;
Placi Berther vegn a spass
Culla mazza sil cuirass;
Cul marti de fravi grond —
40Levamein a presantond —
Vegn il fravi, Risch Liconis
Cun siu schiender de Antonis;
Giacum Fiergnia de Bugeus,
Gion d' Artuglia giu de Laus
45Van cul Segner de Zigniau. —
Tgei sventir' ei daventada:
Ei la ligia onn fondada
Lezza ligia entschallida
Sut 'gl ischi, leu entardida? —
50Che 'gl avat cun ton' premura
Oz serenda sur l' Alpsura,
Che 'gl auctur de lezza ligia
Sur montognias sefadigia?
Na la ligia pauc emporta
55Als vischins avon la porta
Dil Gotthard e vall Scallina,
Separai ein stai adinas
Tras las cornas dil Badus,
Han giu pauc de far cun nus.
60Isolai en lur vallada
D' aultas pezzas circumdada
Vivan els en disfidonza
De scadina cuminonza,
Sco selvadis, seconvegnan
65Denter els e ferm mantegnan
Lur usits e dretgs privats,
Concedi dals vegls avats,
Vulan nuot de nossas ligias,
Gaudan sezzi lur fadigias,
Vulan nuot saver de grazias,
70Portan sezzi lur disgrazias
E sefetgan tut garmadi,
D' esser propi Segneradi,
E pretendan abstinenza
Da scadina dependenza,
75Portan vess, cun aversiun
Dals avats la protecziun,
Renconuschan strusch ils dretgs,
Aunc schi vegls e schi perfetgs.
Schia va cun Clau Camengia
80Segner Pieder de Pultengia
Silla senda ded Ursera,
Sco 'l pastur cun montanera,
Cun ses umens de suita,
Tras vallatschs cun crappa gitta,
