 |
Questa pagina è ancora da trascrivere o è incompleta. | |
756
Giachen Caspar Muoth
Franc daditg tut emblidau.
Era porta vies convent,
Bucca pli ton disfidonza
Ded entrar en cuminonza
830Culs paes confederai.
Voss avats ein seligiai
Cun Glaruna, cun Turitg
Era Sviz ei lur amitg
E cun Uri existevan
835Veglias ligias engiradas,
Che malgrad in pêr sbarradas
Comporteivladat nutrevan
E perinadat scaffevan.
Ummens libers della Vall!
840Enten temps schi malmaneivels
Ston ils pigns, cummins e fleivels
Seligiar, ensemen star,
Per lur dretgs franc scompentar.
Pur seligia cheu cun pur,
845Pign signur, cun pign signur,
Co ils pigns survegnient possa,
Muss' a vus la ligia nossa,
Tgei ch' ils pigns unî pon far,
San ils Svizzers comprovar.
850Vî per inagâ serar
Cun a tuts recommendar
De la causa ponderar,
Ponderar e patertgiar,
Less cheu mai zitgi sforzar.“
855E mistral de Fries vegneva
Giud la buora zacudeva
Bucca mal siu taur ded Uri.
Silenzi rigieva
Cheu denter il rin;
860La viarva teneva
Il senn de scadin,
Signur e cumin
Culs pertratgs en fermonza.
E tutta scarponza
865Pareva tschessada,
Parev' emblidada.
E schon entschavevan
Ils giuvens a grir:
„Cugl Uri, cugl Uri!
870Cun Fries siu Parsuri
Vulein nus s' unir!
Cheu vegnan ils vegls,
Revolvan ils êgls
Domondan lur fegls:
875„Tgei ha quel tschintschau? …
Tgei ha 'l paterlau?
Savein ca tudestg
Avunda per quei.
A nus explichei
880Il propi contegn
De quei ch' el mantegn!
Plidau ha el frestg
Maneivel e spert,
Probabel perdert.“
885E sin declaronzas
De lur figlilonzas
Entscheivan ils vegls
A grir sin lur fegls,
Entscheivan ils veders
890Vischins ded Ursera
Termenta canera.
„Gl' avat de Muster
Ha cheu de guder
Ils tscheins e la taglia
895De nossa puraglia,
Las dieschmas tschentadas
Sin nossas casadas.
Nus essen subdits
Dils Sogns eremits,
900Sco nos perdavonts
Avon milli onns.
La crusch de Sogn Placi
Retilla nies daci,
Gl' avat tegn la spada
905A nus empristada,
E bucc il mistral.
La tuor d' Hospental
Pertegn al Signur,
Leu stat siu migiur
910Cun pleina pussonza
Sur nossa migionza;
Il Gielli de Moss
Sto star anavos
Cun siu paterlem,
915Che vul derogar
E giu dispittar
… Cun smanis e fem
Ils dretgs digl avat.
O tgei nauschadat!
920Nu veis las raschuns,
