 |
Questa pagina è ancora da trascrivere o è incompleta. | |
758
Giachen Caspar Muoth
Il pievel, vesent siu patrun en preschientscha,
Dat ina sgargnida, fagient retenientscha;
Giest sco ina bova, d' in grep retenida,
Seferma stremblonta cun ina scrutschida.
1000La fuola stupescha, cuschent in' uriala.
Schlargada, zavrada vegn uss la caniala.
Ils umens ded Uri cun Gilli de Moos
Han piars la curascha, setrain anavos.
Ils umens romontschs, ils vegliuords ded Ursera,
1005S' avonzan, fagient gloriusa canera,
E
greschan: „Pren mira! il Segner arriva!
Eviva la Claustra! Pultengia, eviva!“
Semettan en rietscha, formont la spaliera,
Ed arvan al Segner culs ses la barriera.
1010Il Segner, sco de far termagl,
Descenda svelt da siu calvagl,
Stat ferm en pei sin siu terratsch,
Ch' el dei defender oz dil latsch,
Che quels ded Uri han urdiu
1015E cun Mistral de Moos tendiu.
El passa lu cul meun alzau,
A benedent il pur surstau,
Atras la fuola separada
Vitier la buora bandunada, —
1020E munta leu maneivel spèrt
Sil tschepp = cummin cun cor
detschèrt.
Siu êgl patern dat eunc in sguard
Sco in cametg da mintga vart,
Fertont che sia barba grischa
1025El clar solegl stupent terlischa.
El aulza lu puspei siu meun
E plaida clar, ded aul e pleun:
„Vus umens della Vall - d' Ursera!
Tgei munta quest embrugl de
guerra? …
1030Ha cheu davos il Piz - Scopî
Entschiet il Giuvenessen di?
De quei sminavan nus pilver
Eunc nuot jer sera vi Muster.
Tgei 'veis pomai de criticar
1035Vid nies confar e demanar,
Che vus tenîs oz radunonza,
Senz' avisar la suprastonza?! …
Tgei 'levas far tut de discus?
Vus essas tuts fetg suspectus. —
1040Pertgei undrescha Vies Mistral
Oz buca siu patrun feudal,
E neglegescha tuttavia
Las reglas della cortesia,
Mei buc salida, beneventa
1045Tenor la fuorma, ch' ei dischenta,
Tegn buc la staffa, sco duei,
In vèr vasall de miu marschei?!
— Tgei fas ti leu, mistral de Moos,
Cun miu manti sil cramadôs?
1050Pertgei stas buc sin tia posta,
Per far tiu plogn e dar risposta,
S' ti quittas de haver raschun,
De lamentar de tiu patrun?
Cun tei, de Moos, lein nus tener,
1055In di dertgira vi Muster.
— Leu tgisel tei de felonia. —
E tgi de sia compagnia,
Che ha, che morda la conscienzia,
Entscheivi cun la penetienzia.
1060Ses umens, udent la smanatscha mordenta,
Bandunan de Moos, — e quel sestermenta. —
Il Segner cul det il de Fries designescha
E cun ironia lu continuescha!
