 |
Questa pagina è ancora da trascrivere o è incompleta. | |
780 P. Baseli Berther Sur igl uaul Tschupina vi sesaulza la liunga tenda dil Tgom e Nual; giu de funs pastira de casa, per miez ora bostgia e caglias, sissum treis alps: Tgom, Nual e Mut. Tenor nies manegiar fuss quella costa per miez ora in exellent terren per plontar en niev uaul. Da maun sut creschan 5 ils pegns pli dabot ed ei dat pli biala leña. — Semenein nus cun nies egl pli alla dretga, sche podein nus aunc grad ver sur Planatschs e Milez vi il Pez Cavradi ed il Badus, che terlischan ella splendur dil solegl cun lur nova neiv, sco sche els fussan ded aur. Sil quolm Val havevan ei schon chitschau a stavel ed ei gliei num ir per nus, sche nus lein aunc mirar 10 giu Giuf. Strusch che nus havein fatg enzaconts pass anavon, salidan nus dus robusts umens. Ei eran vid il segar risdiv, ch' era zvar quorts, mo de ton megliera fixiun. Schegie, ch' ei haveva giu ploviu quasi gl' entir di ora, quels dus umens havevan tonaton luvrau tudi. Malgrad lur vestgadira 15 bletscha eran els aunc de bien humor. E sco els, havevan aunc biars luvrau leu ora giu pils plauns entuorn, bein seregurdond dils plaids, ch' in auda en Tujetsch: Gl' atun san ins buca durmir giu; de s. Mathiu, pur, prenn quei ch' ei tiu e per esser pli segirs stauscha quei ch' ei odem gl' iral entochen entadem! S. Mathiu er' ei schon gl' auter di e de quei tschuppi 20 alv pils aults entuorn sehanavan ins aunc pauc; denton ei era ina enzenna, ina admoniziun, ch' in auter signur vegni gleiti sur il Rizli. Nies pign disquors, che nus havein manau cun quels dus umens era sur il pagament dils tiers. Quei ei adina la questiun gronda en Tujetsch. Quei che nus havein dils tiers, — auter havein nus nuot. „Uonn paia ei 25 pauc, aber nus spetgein tochen nos Baiers vegnan; sch' enzitgi paia enzatgei, … sche paian quels; del rest vein nus de biè fain; de quora giu on ei biè mender.“ — Rischun havevan ei e lur calculaziun era buca mal. Fertont che nus scarvin questas lingias ein ils prezis tonaton pli aults e cul temps vegn ei, speronza, aunc meglier, mo pazienza! “Dius pertgiri!“ 30 era lur cordial salid, fertont che nus eran schon daditg endisai mo cun bien di e buna sera. Avon nos egls stat ussa Giuf cun sia caplutta dedicada a s. Bistgaun. Giuf dumbra ussa circa 10 bagetgs pigns ne gronds e dei esser stau tenor 35 veglia tradiziun in dils emprems uclauns en Tujetsch, sche buca gl' emprem. Zvar sesanfla leu depresent negina casa pli, mo ch' ei existevi leu pli daditg … in vischinadi, havein nus plirs arguments. Il num Giuf darriva dal plaid latin „jugum“, che vul dir ton sco giuf, crest. En veglias scartiras anflein nus perquei aunc savens scret Juf enstagl Giuf. Era la posiziun 40 dil liug muossa, che quei num hagi sia giesta significaziun. Sco ei vegn raquintau era la sola della vall Tujetsch dad in temps in spess uaul. Pliras casas dil vitg Rueras, sco per exempel quellas nua che Duri Riedi, Martin
