 |
Questa pagina è ancora da trascrivere o è incompleta. | |
Sas era nua Giuf ei? 787 bial' aura, co ils habitonts vegnan malgrad fuola de fenar en duas liungas processiuns, cantont e recitont il s. rosari encunter la biala capluta de Zarcuns. Quei ei ina veglia isonza, che gieneraziuns e gieneraziuns han observau e la quala ha purtau gronda benedicziun ella vallada. Ella deriva da Giuf e la tradiziun raquenta sco suonda. 5 A Giuf viveva dad in temps in pietus e sogn um cul num Gionet (Janet). Schegie buca adversaus en scienzas mundanas era el ton meglier enconischents cun la veta dils sogns ed exercitava sin particulara moda la pietusadat. Sia speciala oraziun era il paternies. El meditava il contegn de quel cul spert ed intrava aschia ellas grondas verdats dell' oraziun, ch' il 10 Segner ha sez mussau. El haveva de dir in paternies davenda Giuf entochen … Zarcuns, ina mesa ura lunsch. Probablamein mava el della senda, che meina aunc ussa tras Budas, Cascharullas, Florin a Zarcuns. Quei era la via de bara dils de Giuf e forsa l' emprema via tras la vallada. Fertont che Gionet mava ina gada aschia meditont e recitont il paternies 15 ei Nossadunna comparida ad el en quei liug, nua che la baselgia de Zarcuns … stat depresent ed ha fatg de saver ad el, che sch' ils habitonts de Tujetsch veglien prender si de sanctificar la sonda cun far ina processiun en quei liug, sche vegni ella a schar madirar il graun. La capluta de Zarcuns seigi sin quei vegnida bagegiada da Gionet de Giuf. 20 Vas ti ina gada tras la biala vallada e sper il vitg Zarcuns ora, pren la bregia e visetta quella tgeua capluta; salida Nossadunna cun in pietus ave; mira lu si encunter igl arviul e ti vesas leu il maletg de quei evenement, … co Nossadunna ei comparida a Gionet, che stat leu enschanuglias. Vid il mir sas ti legier ina inscripziun latina cul suondont contegn romontsch: 25 … „Miraculus ei il Segner en ses sogns. (Ps. 67, 36.) Mo aunc bia pli miraculus eis el enten la beatissima purschalla Maria, Regina de tuts ils sogns e Mumma de siu s. Fegl, la quala el ha dau a nus Tujetschiners sin particulara moda per mussadura e protectura, sco ella sezza ha mussau cun 30 comparer miraculusamein cheu en quest liug ad in cert Gionet de Giuf gl' onn 1622 ils 8 de Schaner. Quei vegn mussau si entras scartiras, entras … la tradiziun ed il present maletg e vegn era cartiu sogntgamein.“ D. O. M. En in cantun dil maletg statan ils plaids: „Bartolome Broder de 35 Castelberg ha fatg questa pittura 1763.“ Sco ei gliei vegniu detg a nus, sche duevien respectivas scartiras sur de quei s. um sesanflar pli daditg egl archiv della vischnaunca ed el seigi setraus el sonteri a Sedrun sut la porta pigntga. A Selva, nua ch' in fagieva avon che la baselgia a Sutcrestas vegni bagegiada, la processiun 40 della sonda mintga ga a Tschamutt, vegneva ei fatg mintga ga ina oraziun en memoria de Gionet de Giuf. — 50*
