Pagina:Decurtins - Rätoromanische chrestomathie, II.djvu/109

Da Wikisource.

Märchen 85

bunna reuna ei il prenci vignius vitier, d' arrivar la notg ella combra della princessa e suondont il cussegl della bunna compogna, ha el priu nuot auter, che la princessa et ei arrivaus cun quella ventireivlamein ord il chisti. La reuna veva pinau bialla vistgadira pella princessa e cura che quella ei stada tratga en, ein ei galoppai naven. Sin via ha aber il fegl 5 dil retg survigniu ina gronda amur tiella deliberada princessa et era à quella ha il bi giuven plischiu e la princessa ha empermess ad el fideivladat, … dent la mesadat de siu ani per memoria, Cura ch' ei ein arrivai el marcau dil retg, che veva il cavagl alv, ha quel, vesent la princessa, bein spert dau il cavagl al giuven. Quel ha aber dumondau eunc ina gracia, 10 ch' el sin cavagl astgi bitschar la princessa deliberada. Quei ha il retg senza malart schau; ma bitschont la princessa, ha il giuven embratschau ella, tratg sin cavagl e dau ina culs spruns, ch' els culla princessa ein i tut el luft. Bein gleit eran ei el marcau, nua ch' il retg cugl utschi era. Pleins plischer giud il bi cavagl alv, ha quel dau al prenci il caset cugl 15 utschi. Mo il prenci ha sin cussegl della reuna eunc dumondau de puder cavalcar ina gada tral marcau cul bi cavagl alv et enstagl turnar tiel retg eis el galoppaus encunter casa. Suenter ch' el haveva aschia acquistau igl utschi, ha la reuna priu adies ded el. Sin viadi ha ella aber eunc dau il cussegl: „Cumpra bucca carn giud la fuortga!“ Turnont il prenci à 20 casa tras in marcau, ha el viu ina roscha glieut entuorn la fuortgia e mont per mirar, tgei ch' ei seigi, ha el viu ses dus frars cul sughet entuorn … culiez. El ha cumendau als bojers de spitgar e dumendont el, pertgei quels vegnien pendi, han ei dau ad el per risposta, quei seigi glieutetta, che hagien engulau e cuglianau. Cun ina gronda summa daners 25 ha el finalmein cumprau libers ses dus frars. Cun els ensemen eis el viagiaus … vinavon encunter casa. En in stgir e grond uaul ein ils dus frars ristai empau annavos et essent persuls, ha il giavel entschiet a tentar els. „Tgei di il bab, cu nus vignin à casa et il frar giuven rischuna, co el hagi enflau nus?“, ha in entschiet a dir. „Nus perdein la cruna e la honur!“ 30 igl auter. Aschia ha in plaid tratg in auter et ils dus ein seschai giu de far lur bien frar ord ils peis. En cuort han ei enflau ina bunna chischun. … Spella via era ei ina terribla cistiarna e tier quella han ei camerlau il prenci e cura ch' el ha mirau giu ella profunditat, han ei dau ad el in stausch, ch' el ei curdaus ella stgira cistiarna. La princessa, che haveva 35 viu quei, greva e bargieva; mo ils dus tirans han smanatschau ad ella culla mort, sche ella staupi buc bucca et ein ira tiel bab retg. Schi gleiti sco quel ha udiu igl emprim schul digl utschi, eis el staus seuns et ha dau ina perdanonza, che dueva era grad esser en honur della princessa, culla quala il prenci vegl leva gleiti maridar. 40

Nies paupratsch ella cistiarna era senza confiert e saveva bucc auter, che grir e plirar. Tut en ina gada ei la reuna vignida tier el. „Vevel jeu bucca detg: cumpra bucca carn giud la fuortga!“, ha ella clamau tier ad