 |
Questa pagina è ancora da trascrivere o è incompleta. | |
| 90 | Märchen |
ellas; sinquei ein ei ira tiel retg cun las princessas; il ver deliberatur aber han ei schau giu ella teuna.
Vesent quel leu giu tut en ina gada, ch' ei han schau dar giu las tretschas ella teuna, ha el bein viu lur intenziun et el ei ius annavos tiel 5 chisti dils dracs. Tut trests ha el leu tigliau ora las lieungas als tgiaus dils monstrums e mess quellas en sia valischa. Duront ch' el fagieva cheu calenders, … ei igl um vegl digl emprem chisti vignius tier el e dumendau, co ei mondi. Surstaus giu de quelle viseta, ha il giuven raquintau la historia. „Perquei pren si lev“, ha il vegl detg, et ha manau il giuven d' ina scala 10 bialla e lada si tiel emprim chisti. Arrivai leu ha el mussau al tut surstau giuven la via d' ira el marcau dil retg. En quei marcau era quei di tut, che sunava e saltava. Dumondont il giuven, tgei quei vegli dir, han ei dau per risposta: „Las feglias dil retg fan oz nozzas cun lur deliberaturs!“ Schi gleiti sco il giuven ha udiu quei, eis el ius tiel cuschanier dil retg e 15 ha detg, el seigi in famus cuschanier, e gidassi bugien a far la perdunonza. Quei di veva il coch dil retg bia de far et ha bugien lubiu al giuven de gidar el, tenent quel per in cuschanier. Ei era de far ina cocca per la spusa giuvna e quella al il giuven dumondau de cuschanar. Er ha el saviu gartier ina cocca melna e bialla, ch' ei dat nuot pli bi. Duront ch' il coch 20 era aber en stiva, ha il giuven mess ella cocca igl ani della feglia giuvna e cumondau al servitur, che purtava si, de tigliar la cocca permiez. Vulent il servitur far quei de gientar, ha el sentiu enzitgei dir sut il tigliom, e miront suenter enflau igl ani. Cura che la feglia dil retg ha viu quel, eis ella stada tut orda sen muort legria, ella ei curida en cuschina et ha embratschau 25 il giuven. Pli tard ha ella raquintau al retg, alla regina et à tuts ils cambrers la historia, co ella seigi vegnida deliberada e co ils dus fauls compogns hagien fatg. Quei di ha la princessa giuvna fatg nozzas cul deliberatur et ils dus fauls amitgs han piars lur tgiaus.
70. Il schuldau et il giavel.
30 Dil temps dils survetschs jasters era en ina compagnia schvizzera in schuldau, che era adina mal perina cul siu capitani. Il malvugliu comandant … murdergiava e persequitava el sin ina miserabla moda. Tut vilaus era il schuldau in di ius per star guardia avon il marcau. Mont si e giu spella porta ha el detg encunter sesez: „Pli bugien survir siat onns al 35 giavel, ch' in onn cheu!“ Strusch vev' el detg quei, sche vesa el in signiur en verd a vignient neu tier el. Quel ha emprau il schuldau, sch' el vegli vignir e survir siat onns al giavel. „Per bunna pagaglia, pertgei bucc!“, risponda il schuldau. Il signiur en verd ha sinquei priu il schuldau et ei ius cun el en paucas minutas lunsch daven dil marcau. Sper ina ustria 40 ha il nausch fatg halt et els dus ein i siaden; il signiur en verd ha pagau al schuldau ina excellenta marenda et ha schau beiber el vin e vinars, schi ditg sco el ha pudiu. Lura ein ei ira vinavon e vigni egl ufiern.
