 |
Questa pagina è stata trascritta ma deve essere formattata o controllata. | |
| 98 | Märchen |
coch ha ina gada stoviu ira giuado et ha dau sia lavur al buob. Enaquella ei vigniu in buob en cuschina et ha emparau, nua il Signur seigi; el vulessi tschintschar cun el. Il buob jester vuleva ira tier il Signur; mo nies giuven coch di: „Spetga empau! lai lavar giu tei! Ins sto buc esser aschi 5 tschufs, cura ch' ins vul ira avon il Signur!“ Per cura ch' el ha giu lavau el, lai el ira el tier il Signur. Denton vegn il coch; ei ferdava aber ton mal en cuschina, ch' il coch empiara il buob, tgei el hagi fatg cheu, ch' ei fredi aschi mal. Il buob di, ch' ei seigi stau cheu in jester, che hagi voliu tschintschar cun il Signur, quel fuvi aschi tschufs, ch' el hagi lavau giu el, 10 avon che schar ira tier il signur e suenter hagi ei ferdau aschi mal. Denton vegn il Signur era en cuschina, ch' ei ferdava aunc aschi mal, era el empiara, … tgei ei hagien fatg et il buob raquenta al Signur, co ei seigi iu. Sin quei tratga il Signur, quei savessi esser in pulit buob et empiara il coch pign, sch' el volessi bucc' ira à scola. Il buob risponda: „Mo bein 15 gliez; sch' ei laien, mondel jeu bein bugien!“ Il buob va, ha era buns talents et el ei ius aschi ditg, entochen ch' el ei vegnius benedius ora per spiritual. Cura ch' el ha legiu la messa nuviala et ei semanaus tiel Nobiscum … entuorn, … sche ha el stoviu rir ded aul ora et ils lau presents, che miraven tier, han buca saviu, tgei tertgar. Cura ch' el ei vegnius en 20 taschamber, han els emparau el, pertgei el hagi stoviu rir et el ha respondiu, … ch' el hagi viu quella Nossadunna, ch' el havevi tratg giu sul tgiau en siu caltschiel tgetschen e perquei hagi el stoviu rir. Cura ch' el ha giu tratg ora il resti della emprema messa, sch' eis el morts; la Nossadunna ei vegnida per el et ha compognau el enten parvis. 25.
77. Il scazi el cusch.
Dus schuldaus, Pieder e Gion, eren ii ord survetsch e vegnevan à casa. Ei steva cun els era sco cun la biara schuldada, che vegneva à casa, els havevan ne daners ne calzers. In di ein els arivai en in grond uaul. Essent els stai ii pliras uras tras quel, di Pieder à Gion: „Jeu hai fom e 30 seit, sun staunchels e schuachs e poss buc ir pli; jeu stoi semeter giu e dormir empau!“ Pieder semeta giu e gleiti dormev' el cauldamein. Gion seseva sper el e vegliava. Cheu veza el tut en ina gada, ch' ei vegn ina glisch ord bucca de Pieder; quella va in toc digl uaul vi e setschenta sin in grond cusch marsch. Gion peglia tema e dedesta si Pieder, aber en 35 quei moment, che Pieder ei sedestadaus, ei la glisch turnada anavos et ei ida per bucca en à Pieder. Cheu di Pieder à Gion: „O, ti duevas schar dormir mei; jeu havevel gie in aschi dulsch siemi!“ „Sche tgei has ti pia semiau?“ „Jeu hai semiau, di el, che cheu vi en in cusch sesanfli in grond scazzi, jeu sai aber buc en tgeinin.“ Mo Gion di: „Jeu sai schon tgeinin!“ 40 Els van vitier il cusch, sin il qual la glisch era setschentada e caven entuorn … el. Cheu han els enflau in grond scazzi, tont ch' els han strusch podiu portar à casa e suenter ein ei stai omisdus dus rechs umens.
