Pagina:Decurtins - Rätoromanische chrestomathie, II.djvu/151

Da Wikisource.

Märchen 127

alla schenderletga, de vegnir cun els tiel prenzi. Mo ella ha dumandau, de avon astgar selavar e far si cavegls. Bein spert eis ella ida ora tiel furnel, ha cavau si la tschendra et ei ida giu tier la veglia. Lezza ha quellaga fatg si ad ella stupen cavegls, tschuarau las gniallas e tratg en il vestgiu cun il solegl. Turnada si en stiva, han ils serviturs manau la 5 bialla schenderletga tier il prenzi e quel ha pli tard fatg cun ella legras nozas. Cura ch' il bab ei morts, ei il prenzi vegnius retg et ella regina. Sch' els ein bucca morts, sche vivan ei eunc.

101. Il servitur et il striun.

Inaga er' ei in bab, che veva treis fegls. Dus eran dus perderts et in 10 era in tup. Il bab ha dau à tuts treis treis treis bazs et in paun perin et ha detg ad els, ch' ei stopien ira a gudognar. Tuts treis ein ii per ina via; mo cu els ein stai in toc, sche mava quella ora en treis vias. Il tup ei jus per la via sisum e tschels ein ii mintgin per ina dellas autras. Il tup ei jus tras in uaul et ha entupau in signur; quel ha dumandau, 15 nu' el mundi. Il giuven ha respondiu, ch' el mundi ad encurir survetsch. Sinquei ha il signiur detg, el sapi schon dar ad' el survetsch; mo el stoppi star siat onns tier el. De luvrar hagi el nuot auter, che de schubergiar mintga di ina scaffa pleina cudischs e mirar, che quels vegnien mai da purla. Il giuven ei sepladius et il signur ha manau el en siu casti, nua 20 ch' el haveva mintga di de schubergiar ils cudischs. Il signur ei staus daven siat onns e cu el ei turnaus, ha el dau ina buna pagaglia et il servitur … ei puspei sepladius per siat onns. Mo quella gada ha el entschiet a legier sez ils cudischs e cun quei ch' ei era cudischs de striegn e siu patrun … in striun, ha el empriu, de far striegn. Cura ch' ils siat onns ein stai 25 entuorn, er' el in perfetg striun et ei jus à casa. Suenter haver duvrau si à casa ils daners fadiai, ha el detg à siu bab, el sefetschi de cavagl e siu bab deigi manar el sin fiera e damondar per quei cavagl tschien melli renschs. Mo il cavester deigi el mirar de buca vender, hagien lu à mogna, tgei ch' ei veglian. Sinquei eis el semidaus en in cavagl et il bab ei jus 30 cun el à fiera. Cheu eis ei vegniu in signur et ha giu à mogna el bab tschien melli rensch per il cavagl et ei han fatg marcau. Mo il signur ha era voliu il cavester e giu à mogna per quel ton, sco el haveva pagau per il cavagl et il bab ha dau il cavester. Quei signur, ch' era il striun, ha priu il cavagl, ei jus cun quel à casa et ha mess quel leu en nuegl. 35 Gl' auter di ei il signur vegnius en nuegl cun ina biela per mazzar il cavagl. Mo il cavagl ei semidaus en ina tuba, la quala ei sgolada ord nuegl. Il signiur ei aber semidaus en in spre et ei sgolaus suenter la tuba. Il spre vess bunamein pudiu tier ella, sinquei ei la tuba semidada en in ani, ch' ei daus giu egl tschos della feglia dil retg, ch' era en curtin. Quella ha priu 40 quei ani; et igl ani ha detg ad ella; ella deigi zacuder giu el sin meisa e schar ira el sco el mundi. Gl' auter di, tochen che la feglia dil retg gien-