Pagina:Decurtins - Rätoromanische chrestomathie, II.djvu/287

Da Wikisource.

Volkslieder 255

Jou Sunt da la casa da Rauba, hanur.
10 ei buca (sco) David e(i)[r] stau ün pastur?
Ma ei buca er David stau ün pastur,
ad ei daventau ün Reg dad hanur?

          15.
(Nach Annalas III. p. 303/4.)

Buna sera! o, cara Biala!
E 'gl ei stau ami de car,
De vegnir tier tei in' uriala,
Per miu cor èr consolar.
5 Bien onn, o, car! sei' s beinvegnius!
Ti portas ami consolaziun.
Senza tei fuss miu cor stullius
E sefiers enten bandun.
Ti eis la mia, la pli cara
10 Denter tutas giuvnas ch' ein.
E ni sin mar, ni sin la tiara
Naginas plai' n ami schî bein.
O, tgei confiert e legarment,
Fan bein quests plaids enten miu cor!
15 Tuts contrasts volvan naven
E dattan ami bien humor.
Sche deig' ei pia esser aschia,
Che ils noss cors dein ver priu en
Tier ina schi strentga ligia,
20 Che nagin deig' rumper en.
Sche deigi esser, che nus dus
Ensemen dueigien vegnir,
Sche lein nus pia quella flur
De la carezia embellir.
25 Sche porschi pia il tieu meun,
Sche ti deigies esser la mia spusa.
E jeu porschel il miu meun.
E vi esser il tiu spus.
De tuts quitaus e tuts contrasts,
30 Che duein vegnir sur nus,
Vî jeu prender viva part,
E tei levgiar, o, miu car spus!