De far salidar, che Ti deigies sminar,
Ch' jeu in Ritter sun.
22.
(Vgl. Annalas I. p. 74.)
Miu cor e miu confiert,
Miserias el desiert
Ded ir en tiaras jastras,
Conversar cun jasters.
5 Ach, tgei dis Ti a mi,
Sch' jeu tuornel buca pli?
Miu cor se scufla si,
Il flad quel va ca pli,
Dolurs, anguoschas, tristezias,
10 Ch' jeu Tei stoi bandonar.
Ach tgei dei jeu mai far?
Sch' jeu Tei stoi davos laschar!
Sch' jeu hai fatg dil mal,
Sche hagies nuot per mal,
15 Sch' jeu hai Tei stridau,
Sche lai mei ord il tgau.
O, roga Diu per mei,
Ch' jeu possi pli ver Tei.
Pren si il miu salid
20 Dil pli bien amitg,
Pli car cheu sin tiara,
Che semper per Tei bragia
E tut per amur Tia
Muort mias dolurs.
25 Cur che Ti vegns sisu,
Che jeu seigi clomaus de Diu,
Sche va giu sin mia fossa
Ad uri sper mi' ossa;
Sche Ti vi jeu dar in avis,
30 Sch' jeu gaudel il sogn parvis.
23.
Ach, co gliei cum mai midau,
La mi' amur hai jeu tertgau,
