Pagina:Decurtins - Rätoromanische chrestomathie, II.djvu/303

Da Wikisource.

Sch' ei fuss er la veglia Tia,
Sche vess jeu in grond plascher.
5 Ti zvar drovas confidonza,
Mo Ti plaidas ualti stgir;
Jeu sai buca ver speronza,
Sche Ti vul pli clar che dir.
Ei schon pia or stizzada
10 La carezia denter nus;
E schon pia emblidada
Ina spusa de siu spus.
Pia tgei carezia ei passada
Entochen ussa denter nus?
15 Ti eis mai, mai mia spusa stada,
Jeu dei mai esser il Tiu spus.
Contas gadas has mei clomau,
Plidau discus mes vegls?
Contas gadas has detg, ch' jeu
20 A Ti seigi pli cara che tes egls? …
Quei hai jeu mo per isonza,
Sas da quei fan era mintgin;
Jeu hai quei fatg per dar speronza,
Mo miu cor vev' in' autra fin.
25 Jeu sai bein che tuts enqueran,
Per nus matteuns enganar;
Perquei fan ei biala tschera,
L' ain el cor il tissi star.
Cali po cun quella tschontscha,
30 Ch' jeu poss buca pli tadlar;
Quei ei grad sco carn - piertg ronscha,
Che suera avon che schigiar.
Ussa sbittas Ti zwar mei,
Aber prest s' enriclas Ti;
35 Gleiti tuornas Ti puspei,
Ei vegn buc ir or' in di.
Quei fuss bein gronda furtina,
Sch' jeu sto Tei dumendar;
Tiu tschupi vegn da ruina,
40 Sche Ti vul sin mei spetgar.