33.
(Nach Ms. Co.)
[f. 29a] Jeu vai stuju ira naven,
per bucca vignir orde señ;
la chischun, che jeu sun jus naven,
[f. 29b] ein las buchas de mes Parents.
5 Quels ch' an adina mei hassigieu,
per quella fin sun jeu jus Schuldau;
ei era nagin che pudeva mei ver,
quei sai jeu de gir et eung pilgver.
Per quella fin sun jeu jus pilg mund
10 et sundel vignius entochen Piemont;
entochen jeu erel leu ora Tier vus
sche engolaven ei adina l' honur.
Jeu plaidel aschia e gigiel, nuota ton meins
a mi seglia las larmas, miu chor ei ton plains;
15 La gronda charezia che jeu portavel a quels
vess jeu giu traitg ora tuts ils lur caveilgs.
Quei han ei mai voliu schar sut;
Tras quei eis ei Tut ju en nuot;
Bialla, che eras pauc legerment,
20 Sche sundel jeu en e stundel bugien.
[f. 30a] Ei fan cusseilg de bucca schar vignir,
ei dat eung pli mats, che san bucca nua jir;
ei auden spluntton, uss eis el cau,
Sh' el va ca naven, sche bogniel il Tgiau.
25 L' auter veng ad entscheiv 'a mintgir,
Ti vengs enganada, quei sai jeu de gir;
la gronda scuidonza, ch' ei dat lau Tier vus,
ha ilg Giavel in gi ina buna lavur.
Quei Tucca Tier a quellas dunauns,
30 pertgei quellas vulten pertut ver en la detta;
ellas gin, mo sas Ti nuot,
Jeu vai udiu lez vomi per Tut.
Sche jeu fuss sco Ti, sche schess jeu ad el,
Ti hagies udiu bucca feitg bien;
35 quei ei bucc lubiu de far empermischun,
a lu ir a muron cun mintgia schlavun.
