 |
Questa pagina è ancora da trascrivere o è incompleta. | |
| Märchen | 7 |
„quei ei zitgei nunpusseivel per mei!“ El va a studigiont suenter, co far Cheu lai el vegnir endamen, ses treis palegns dil liun en sac; pren ora quels, e fruscha els enta meun. Sinquei ein tutts ils thiers salvadis vegni leu, en han bueu ora tutt l' aua dil lag; il retg era pia bein cuntenz cun il giuven. Ussa muossa il retg ad el in snueivel mantun greun de tuttas sorts, e camonda, ch' el stoppi zavrar quei greun sin l' autra dameun mintga sort da persei l' autra. Quei era puspei enzatgei, che fageva studegiar il giuven. Denton lai el vegnir andamen sias treis plemmas, pren ora quellas e fruscha cun ellas enta pugn. Sinquei ein tutts ils utschals sgolai neutier e han zavrau il greun en uorden, tochen gl' auter gi. Quei ha plischeu al retg. Ussa camonda il retg al giuven, ch' el stoppi baghiar si en tal e tal leug in casti aschia et aschia, e zvar schon sin glauter gi. Quei deva puspei de studigiar ad el. Per cletg vegn ei endamen ad el, ch' el hagi eunc in ani de duvrar en basegns. El pren ora quel e metta el en dett; sinquei ein tutts ils miradurs, et è quel cun la cruna stai leu. Quels han entschiet a baghiar il casti, ch' il retg haveva comondau; e l' autra dameun er' el fineus. Il retg leva e mira ord da finiastra e vezza cheu il casti bia pli bials e gronds, ch' il seu. Spert lai el' vegnir il giuven tier el, e dat ad el sia feglia, cun la quala el ha fatg stupentas nozzas.
3. La siat pèra calzers.
In retg haveva1 treis feglias. Quellas duvraven mintga gi siat pèra calzers per ina; pia en tut ventgin pèr. Il retg saveva bucca capir, co ellas duvrassen tonts calzers, et era ualti unfis, de mantener ils calzers ad ellas. In gi lai el scriver sin in bi schell, avon seu casti, che tgi che sappi explicar ad el, co e cum sias feglias drovien tonts calzers a gi, survegni ina dètga summa daners. Treis gis hagi mintgin, che vegli empruar de vegnir sisu quei, temps de patertgar, seigi gastfri en il casti, e vegni tractaus bein. Sche tal sappi aber bucca gir suenter ils treis gis, sin tgei moda las princessas dovrien tonts calzers, sche stoppi el schar sia vetta. Quai ei è vegneu ad ureglia ad in um, che haveva fatg biars onns il schuldau, Quel ha tertgau, quei fussi enzatgei per el; savanzau havev' el bucca, ch' el haveva da viver senza luvrar, e schuldau volev' el bucca star pli. Bien el selai en, suenter haver gitg studigiau, d' ira si en il casti quels treis gis sco gastfri at empruar de vegnir sisu, co las feglias rumpessien si tonta pèra calzers à gi. Alla finala, tertgava el, sch' el savessi bucca explicar quei, sche fussi ei è bucca grond donn, de stuer morir, pertgei luvrar vulev' el bucca pli. Getg e fatg; el va en il casti e seanunziescha. Quella sera ha el survegneu stupenta tscheina. Gl' auter gi ha ins puspei surveu si ad el cun da beiber e da magliar detgavunda. El va ussa ora en il marcau, e mava a spass à studigiont … suenter, sin tgei moda las princessas duvrassien tonts calzers; mo la sera ha el stueu turnar anavos senza haver anflau ora quei. Ussa er' el snueivel enriclaus, de haver schau en en quei, e stuer dar sia vetta persuenter.
- ↑ ed. haveve
