 |
Questa pagina è stata trascritta ma deve essere formattata o controllata. | |
Quora pil tgau tugi,
E spetgel vess suenter.
O, bein de buna fei,
Sch' Ti spetgas vess sin quei,
15 Che Tei molest' adina;
Sch' Ti quetas gie de far,
Ch' ei deigi nuot muncar,
Il piaun ed er la frina.
Per gliez pegl' jeu si lev,
20 Il spus mi dat la brev,
De schar muncar nuota;
El vul tut plein furnir,
Cun tgei che plai a mi,
La cas' ei nossa tutta.
25 Gliei gleiti empermess,
Mo il star en va vess,
Jeu temel ch' el Tei engoni;
Cunzun sche Ti creies a gli
Beingleiti tgei ch' el di,
30 E lais pegliar il moni.
Sch' jeu dei ca crer a gli,
Ch' el vul tont bein a mi,
Ch' el dess per mei la vita;
Sche dei jeu bein tadlar,
35 Sin il Vies fauls cussagliar,
Che buc tadlar mereta.
Ti maunglas nuot plidar
Schi losch cun mei,
Fa tanient curvien en fatscha;
40 Pertgei Ti stos saver,
Che Ti seigies aunc pilver
Ina giuvna mattatscha.
Cheu has Ti gartegiau,
Gliei tut cun quei lugau,
45 Pren enpau peda;
Ti vegns schon a vegnir
Pertscharta tgei vul dir,
Quei che fa uss Tei ton leda.
