 |
Questa pagina è stata trascritta ma deve essere formattata o controllata. | |
Sche Ti vul daventar in pescadur,
Ed ord da l' aua vul mei pescar;
Sche vi jeu daventar ina nuorsa,
Ed enten la bostga vi jeu se zuppar.
25 Sche Ti vul daventar ina nuorsa,
Ed enten la bostga vul se zuppar;
Sche vi jeu daventar in tgaun,
Ed ord della bostga Tei seglientar.
Sche Ti vul daventar in tgaun,
30 Ed ord della bostga vul mei seglientar;
Sche vi jeu daventar in camutsch,
Ed enten la greppa vi jeu se zuppar.
Sche Ti vul daventar in camutsch,
Ed enten la greppa vul se zuppar;
35 Sche vi jeu daventar in catschadur,
Ed ord della greppa vi Tei catschar.
Sche Ti vul daventar in catschadur,
Ed ord della greppa vul mei catschar;
Sche vi jeu daventar ina tuba,
40 Ed en igl ault vi jeu sgular.
Sche Ti vul daventar ina tuba,
Ed en igl ault vul Ti sgular;
Sche vi jeu daventar in aunghel,
Ed enten bratsch vi Tei pegliar.
45 Sche Ti vul daventar in aunghel,
Ed enten bratsch vul mei pegliar;
Sche lein nus star semper beai,
E beai lein semper star.
63.
a.
Tgei trais Ti neu della spusa?
E che nus, che luvroin aschi boin!
Jeu hai tratg neu ina vitgetta zoppa ed ina caura tschocca,
E che Dieus nus moini en boin.
5 Nua vas Ti per la spusa?
E che nus, che luvroin aschi boin!
Jeu vomel en Valrein,
E che Dieus nus moini en boin.
