Pagina:Decurtins - Rätoromanische chrestomathie, II.djvu/448

Da Wikisource.

Tals se smiulan sin tuts graus
Per rauba senz' honur;
Biars ils luvrers gie fan luvrar
Pli che pusseival ei,
55Aber avon che memia dar,
In bluzgher fendan ei.
Neunavon uss quels luvrers,
Che san strusch ir ne star,
Quels ein gie quels smarschaners,
60Che honan nuot de far;
Lur ovras vallan buca bia
Per els tscheu sin quest mund,
Las pon lu els aunc meins gida
Avon igl altissim zun.
113.
Jeu s' aflel grad en in cantun
Retratgs en mes pertratgs;
Jeu mirel vi e neu sil mund,
Ed a mi par' in spass.
5Vi aber dir, mi par' in spass
Il demenar ded uss;
Il mund, quel ei schon andretg fatgs
Ed er plischeivels fuss.
Al mund sez muncass nuot,
10Mo la glieut fan il mund;
Ed aunghels essan segir buc,
Perquei eis ei mai mund.
Dil demanar dil temps present
De quel lein nus risdar;
15Mo buc de glieut de sentiment
Mai d' auters lein plidar.
Co quels san durmir vi il temps
En siemis ignorants;
De tschintschar bia ein ei contents,
20Quei ei lur bials termagls.
Ei fan passar ils gronds sco 'ls pigns,
Il sabi sco il tum;