 |
Questa pagina è ancora da trascrivere o è incompleta. | |
| 30 | Märchen |
el deigi mai murmigniar, mai ir buca della via gronda, e mai far enzitgei ella gretta!
El ha engraziau, priu siu paun et ei ius. La sera eis el vignius en ina ustria sper in uaul, nua ch' ei vegneva surviu tut en cavazas de morts. 5 D' esser survius aschia ei curdau si fetg ad el, e schon lev' el entscheiver scandel cun igl ustier, ch' el ha patertgiau vid ils cussegls dil patrun et ei ius à letg. L' autra damaun ha igl ustier sez distadau el e detg: „Vus veis bucca murmigniau sur mia vischalla d' ies, e veis cun quei liberau tuts quels, ch' jeu vevel strianau; perquei ch' els vevan murmigniau sur 10 mias cavazas!“ Sinquei eis el levaus, et igl ustier ha schau vignir ord in tschale ina massa glieut, ch' el veva scungiarau enagin el tratsch; cun quels deliberai ei nies um ius vinavon.
Mont aschia ein ei arrivai sper ina senda, che manava empau pli spert, che la via gronda el proxim marcau; ils liberai ein ii tuts per la senda, 15 e levan era far vegnir lur deliberatur cun els. El ha aber discusigliau ad els, ded ira per la senda; aber negins han dau adatg sin siu dir, et el ei ius persuls della via gronda. La sera, arrivont en in marcau, ha el udiu, ch' ina banda de laders hagien mazau e sblundergiau ses compogns; bucc' in seigi mitschaus. Suenter entgins dis eis el vignius en siu vitg, 20 cura ch' ei fagieva notg, et ei sesluitaus vi spella fanestra de sia stiva; cheu veseva el in um giuven a bitschar sia dunna. Tut ordasen leva el mazar il giuven, cura chil cusegl digl um vegl ei vignius ad el el tgiau. Ruaseivlamein eis el ius ell' ustria, e leu ha el udiu, il giuven seigi siu fegl, che fetschi damaun messa nujala.
25 Plein letezia ha el durmiu, e l' autra damaun ha el udiu l' emprema messa de siu fegl; la sera eis el ius en sia casa, nua che tut ha giu in grondissim plischer, de ver el. Per tard la sera, suenter tscheina, ha el tigliau la petta dil patrun. Cheu eis ei ruclau ora pedras veras, carfunchels, aur et argient, ch' el ei staus il pli rech lunsch entuorn. 30
20. Il schuldau.
In di mava in pauper schuldau per ina via cun siu habersack si dies. El veva mo dus de treis rizers en tastga, treis pil paun e treis pil vinars. Sin via ha el entupau in pupratsch um vegl, che ha rugau enzitgei pell' amur de Diu. Niess schuldau ha dau a quel treis rizers. Bucca ditg suenter eis 35 ei vigniu tier el in um, eunc bia pli pauper, e quel ha rugau ton murtiradamein, … ch' il schuldau, che veva in cor scolg aur, ha dau ils treis rizers dil vinars ad el. Il schuldau leva ira vinavon; cheu ha il pauper detg: „Stai in tec! Quei pauper digl emprem era sogn Pieder, e jeu sundel Niessegner!“ … Tut surstaus steva il schuldau leu. „Damonda ussa da mei, tgei 40 che ti vul! jeu vi dar!“, ha il Segner detg vinavon. „Ei paghi“, ha il schuldau detg sisu e dumendau, che tgi ch' el vegli, stoppi en siu habersack. …
