Pagina:Decurtins - Rätoromanische chrestomathie, IV.djvu/446

Da Wikisource.
Vai alla navigazione Vai alla ricerca
438 Theodor de Castelberg

scheva el, eun da confida ina caussa miu char tutillo scheva el. — cheu en quei — spetgien enpau signiur guido — leu vesel jeu che citgi passa lein scha verga avon.

guido.

lei schon vergaus. mai vinavon.

tutillo.

cheu scheva el en quei arviul, sut in da quels — zitost: leu veng ei

guido.

glei gie mo in affon.

tutillo.

ton pyr, affons en pleins marveglias. a chuchegien sin tut.

guido.

glei naven. a fort.

tutillo.

sut in dils crapps da quella sullada, vai jeu — leu cuera schon puspei encitgiei.

guido.

buach — glei gie mo in tgieun.

tutillo.

sche tgiei lù — tgieuns han è ureglias.

(f. 5a) guido.

als asens eun pli grondas: quei unfisass in giob — nundi in auter.

tutillo.

cheu vai jeu scheva el: vardond temeletgiamein entuorn traso denter en, a pigliond per la casacha a guido tergiend neu tiers sco da sculta: seterau ina bagatella da danès.

guido.

tgiei enscheis cheu?

tutillo.

st. — st. — tgi veng a dy da quellas caussas duas gadas.

guido.

danè blut? in schkazzi?

tutillo.

sentali cun in schèm, sche mo nagin ha udiu quei?

guido.

forsa en qual spazer, chi schgola us sur tgiau ora.

tutillo.

jeu vai, plidava el vinavon, spargniau ditg avunda vida quei, a vai cun cordial quittau, aischamein teniu ensemen. — jeu vomel ussa da cheu naven. jeu laschel a miu felg in ton, chel sa viver. da pli astgiel jeu