Pagina:Decurtins - Rätoromanische chrestomathie, IV.djvu/935

Da Wikisource.
Jump to navigation Jump to search


Gianin e Marinella 927 Al fresc Gianin tunava la canzunetta della nursèra da Salogf aunc nellas oreglias. El era ün amatur del cant e saveva er intgünas canzuns pastoralas e se resolvet, dad er surprender ün di la nursèra cun ün cant. Ils prims dis el non se laschet ver nel revier della nursèra, cumbein che el mava a spiunand per vêr la cantatriza. Ün di Marinella haveva puspei 5 cantau nel medem löc üna canzunetta e stava qua, tramagliand cun ses animalins. Inaspectadamein intonet üna ferma vusch puerila nella pignola, d' inunder haveva resunau çell di quel schüvel, üna canzunetta e cantet: Fresc ansolin, inavant, te festina, Fresc uss sursaglia ils dutgs tü rapid, 10 Sequita spertamein tia mammina! L' aura se müda, il suffel eis trid. Vus festinei er, mes bellas sterliglias! Nüvels uss pendan al çel sminaciant, Et a craschland ussa svolan corniglias, 15 Svolan in prescha, la selva passand. Sü, miu cavrèr, ussa sü alla sperta, Mein a çercar nella selva ün tetg! Bischa e cuffla eis ussa allerta, Ussa comenza l' orcan pür da dretg. 20 Ussa curascha, sur crappa e lenna Fresc vus sagli in veloces sagliots, Per ch' arriveien uss prest alla genna, Che nus averta cattein sut ils bots. Boc, conductur, tü las mussa la senda, 25 Fresc inavant, tü valent barberun! Güzza la corna, l' oreglia tü tenda, Fresc inavant e non far il poltrun! Audas il luf, co el urla da forza, Sentas il vent nella selva tunar 30 E co il püf ussa picla la scorza, Prompt e pinau d' attaccar e rubar! [p. 218] Mira, co glüschan in quella spessaglia Tranter las plantas dus ögls penetrants! Quei eis il luf, il çerver, la canaglia, 35 Che per rapina vol çerner passants. Fresc ansolin, inavant, te festina, Fresc vus sterliglias, er vus festinei, Tila tenei e sagli vus adüna, Fresc inavant e vus mai non fermei! 40

PPN345572629_0030-0938.xml