Pagina:Decurtins - Rätoromanische chrestomathie, XI.djvu/135

La stria ossia i stinqual da l’amur

125

Sciur reverendo, al ser pudastà
680Af fa pragä, c’u aggias la buntà.
(Al Giüdaš e’ l Dagan van evant).

ANIN. Dio’ s ciüra! cas’am mai fatč, ciär Tumee!

STAMPA. Va, nu tramlär, je’ t toccarà preist dree.

                    (L’Anin va da mala vöia).

STAMPA (tocca l’üšc)

Ch’i nun àn stangaa l’üšc, casa vol dir?

Nui importa nagota, ca fugir
685Pudess la rea? o stani e guardär
Giò bass, ca lee davent nu poss’indär?
Al füss per je üna buna occašiun.
Aia da sortir iss da la prašun,
O da spatciär infin ch’i vegn clamaa?
690Da la lasciär suletta am fa pacaa.
Casa mai fagiarà quela povretta
E ’s veir da presentär tütta suletta
Davant la dirittüra, e ’l pudastà,
E fär da òm? Lee las cunfondarà.

[p. 150]                    Dai toccär dree dalunga i’ vöi pruvär:

In quel’ingòscia i nu la poss lasciär.

(Giò la tenda).

SCENA VI.

Stüa dal pretorio. Al PUDASTÀ cui see GIÜDAŠ, in ornato.

ÜN GIÜRAA. Al Signur in eterno sea lodaa,
Ca el claiar l’à fatč gnir la verità!
PUDASTÀ. Al me cor d’ün gran pes è sulevä,
700Ca l’è indatč inscia, Dio lodä!
ÜN GIÜRAA. Quel là’ l cumprova, ca e där tortüra
Nu l’è al vero mezz da procedüra.
ÜN ALTAR. In verità, am vegn sgrišal e panzä
Quantči innocent ca gniran cundannä,
705Ca, šforzä per quest möd da procedüra,
Preferišcan la mort e la tortüra.

(Al vegn Anin dundunand).

PUDASTÀ. Sciur reverendo, iv preg das scusä,

Cum sè ent al cas, dav vè d’incomodä.