 |
Questa pagina è stata trascritta e formattata, ma deve essere riletta. | |
| Poesias | 107 |
Entuorn sogn Gion la stad,
Quei sa cheu mintga mat,
Igl ei ded ir a vias:
10E mintga vischinadi,
Tral funds ed el selvadi,
Dei mantener las sias.
15E spetga buns luvrers,
Ils purs e mistergners:
Da mintga fiug in dell
Duess cheu comparer
E far il siu duer
20Cun spat, zappun, badell.
Buc in ei cheu che isa,
Scadin luvrer bein stgisa:
25Il vegl ed il mattatsch
E mintga fleivel bratsch.
Sin maun e sin schui.
30Perfin enquala matta
Culs umens cheu secatta
Per far quei luverdi
Bien uorden, nu’ ch’ei maunca,
Sils vaus entuorn vischnaunca,
35Ch’ins sappi ir cun carr
La stad per raccoltar.
En mongias alvas era,
40Il tschiel fa biala tschera;
Las femnas dad in maun,
Ein aunc empau schenadas
E teman las strihadas
Dils ménders sin il baun.
Dat o las ordras sias,
Co reparar las vias.
Sco general el stat
50Avon in ferm combat;
La truppa comparida
Sil plaz cun tonta prescha,
Pinada tier la frida,
El bein examinescha;
55Il tgau el era scrola
Vesent l’armada stoda,
Ils nums el scriv’e noda
Sil cedel de controla.
„Vischins, teni maun tier,
Luvrei empau lingier,
Dei buna rugalada
Als vaus de funs e prada
65Sco gl’uorden quei prescriva:
Sin via maluliva
Sederscha tgunsch la carga. —
Luvrers, mussei premura,
E stei entochen l’ura,
70Dabot! Il temps spert varga!“
In triep per mintga via,
En legra compagnia!
75Tgi va giu els Tuleus,
Tgi cava si Spineus;
Quels van si Runcalinas
E tschels sin Clius e Spinas.
E crapp’eis ei en peis,
Ruclada giu dal teiss,
Lavur cheu sepresenta,
Zatgei pertut daventa,
85Per il beinstar cummin
Sedrov’empau scadin . . . .
