 |
Questa pagina è stata trascritta, formattata e riletta. | |
| 288 |
Aurora. Bene, bene, di’ al cocchiere che aspetti.
Guglielmo. Amigo, cosa me disevi. (ad Arlechino)
Arlecchino. Quando la favorisse d’andar via.
Guglielmo. Vago via presto, e intanto tegnì sti tre pauletti, de bona man.
Arlecchino. Oh, la staga pur quanto la vol, che l’è patrona. (via)
Aurora. Che dite di questa vedovina, che or ora anderemo a ritrovare? Vi piace?
Guglielmo. Per dir el vero, no la me dispiase.
Aurora. Par giovinetta, ma non è poi tanto. Nessuno sa i suoi anni meglio di me.
Guglielmo. Certo che, a vardarla, la par una putella; par impussibile che la sia stata maridada.
Aurora. Ma che dite del cattivo gusto in questa città? Qui da noi passa per una bellezza; e pure non vi sono questi miracoli.
Guglielmo. Oh! No se pol dir che no la gh’abbia el so merito.
Aurora. Non ha altro di buono, se non che è ricca.
Guglielmo. La ghe disc poco? Co una donna xe ricca, la xe bella, la xe zovene, e tutti ghe corre drio.
Aurora. Signor Guglielmo, sareste anche voi uno di quelli che le correrebbero dietro per la sua ricchezza?
Guglielmo. No son in caso: perchè, matrimonio no, essendo impegnà con un’altra; magnarghene gnanca, perchè son un omo onorato.
Aurora. Via, signor Guglielmo; state allegro; non pensate a disgrazie. Siete in casa di buoni amici, non vi mancherà nulla, e se avete bisogno, parlate e disponete. (via)
Guglielmo. Com’èlo sto negozio? D. Filiberto mi so che l’è un povero signor, de bon cuor, ma de scarse fortune, e so muggier... Diese doppie no xe gnente; se vi occorre, parlate, disponete! Bisogna che le entrae della muggier butta più de quelle del mario. Non ostante no gh’ho sto bon stomego de magnar e taser, e tirar de longo. Ogni dì che me sento a sta tola, me vien i rossori sul viso. Un galantomo, un omo civil, un omo ben nato, come che son mi, no pol soffrir a vederse
