 |
Questa pagina è stata trascritta, formattata e riletta. | |
| 478 | ATTO SECONDO |
SCENA XXIII1.
Anzoletta e Cate.
Cate. Oe, no savè, Anzoletta? S’ha scoverto el pare de Checchina.
Anzoletta. Via mo, chi xelo?
Cate. Quel che vende bagiggi.
Anzoletta. Eh, andè via!
Cate. Sì, anca da donna da bena.
SCENA XXIV2.
Sgualda col zendale e dette.
Anzoletta. Aveu savesto, donna Sgualda, de chi la xe fia Checca?
Sgualda. Vare che casi! Mi l’ho savesto avanti de tutte.
Cate. Aspetteme che tiogo el ninzolettob, e vegno anca mi. (va in casa, e ritorna)
Anzoletta. Lo saveu de seguro?
Sgualda. Se ho parlà mi co so pare.
Anzoletta. In verità, che vôi che ridemo.
Cate3. Oh son qua, andemo.
Anzoletta. Vegno anca mi co vualtre.
Sgualda. Sì sì, che faremo un poco de baccan.
Cate. O che cara siora Checca!
A Tre. A babiggi, a bagiggi, a bagiggi.
(Partono. Gridano unitamente come soleva fare colui che vendeva un tal frutto.)
Fine dell’Atto Secondo.
