 |
Questa pagina è stata trascritta, formattata e riletta. | |
| LE DONNE GELOSE | 115 |
Tonina. Che va in t’un boccon de aria...
Giulia. Sì, sì, la cognosso...
Tonina. Co giera vivo so mario, no ghe giera sti sguazzia.
Giulia. La me lo diga a mi, che la cognosso dall’A fina al busb.
Tonina. Ela la va a tutti i teatri. Tutte le prime recite le xe soe. Abiti, no se parla. Tabarazzi con tanto de bordo. Bauttac de merlo. Cossazze, via, cossazze.
Giulia. E po i dise: tasè; no disè mal; no mormorè. Mo bisogna parlar per forza. Come diavolo porla far sti sguazzi! Intraed, ca de diana!e no la ghe n’ha.
Tonina. La dise che la vadagna al lotto.
Giulia. Oh, che te vegna cento carri de ben! Ghe vol altro che lotto! Eh siora Tonina, se podesse parlar!
Tonina. Cara siora, se la sa qualcossa, la me diga, la me fa servizio. Bisogna che la sappia che ghe pratica per casa anca mio mario.
Giulia. Disela da senno? La pratica sior Todero?
Tonina. Siora sì, el ghe va. L’ho visto mi co sti occhi.
Giulia. E ela la lo lassa andar, e no la dise gnente?
Tonina. Mi no credo che ghe sia mal de gnente.
Giulia. Siora Tonina, me xela amiga?
Tonina. Oh, no vorla?
Giulia. L’accetta el mio conseggio, no la lo lassa andar da culìaf.
Tonina. No? Mo per cossa?
Giulia. Malignazzog!... No posso parlar... Putte, andè in pergoloh; vardè che tempo che xe.
Orsetta. Eh siora sì, andemo. (Oe! la ghe vol contar de siora Lugrezia). (a Chiaretta)
CHIARETTA. (Oe! la ne manda via, e a mi la m’ha contà tutto).
Orsetta. (Anca a mi la m’ha dito che ghe va sior barbai). (partono)
Giulia. Sieu malignazze! Tante ghe n’ha volesto!
Tonina. Cara ela, la diga.
