Pagina:Goldoni - Opere complete, Venezia 1910, VIII.djvu/176

166

ATTO SECONDO

Orsetta. (Oe, mascara?) (a Baseggio)

Baseggio. (Cossa voleu, mascara?) (a Orsetta)

Orsetta. (Saveu cossa che m’ha dito sta mascara? Che la magnerave volentiera un pollastro).

Baseggio. (Fe una cossa, aspetteme alla Luna^a, che vegno. Saveu dove che la xe?) (siora Fabia fa moto di sì)

Orsetta. (Fe presto, savè, che v’aspettemo).
(Orsetta e Fabia andando via passano davanti le tre mascare: Chiaretta minaccia Orsetta, che fa moto che non pensa. Giulia a siora Fabia gli fa puf^b. Fabia le fa una mala grazia, e tutte via. Baseggio passeggia.)

Lugrezia. (Oh che belle scene! oh che belle cosse che se vede a sto Redutto! A vegnir qua el xe el più bel spasso del mondo. Altro che commedie!) (da sè)

SCENA XXX.

Sior Todero in bautta, e detti.

Todero. (Manco mal! Ho pur vadagnà una volta. Ho vadagnà tanto da poder recuperar la mia roba. Oe, el mio codegugno e la mia camisiola? (guardando Baseggio) Vorria mo ben saver chi xe sta mascara che gh’ha intorno la mia roba!) (da sè)

Tonina. (Oe, mio mario). (a siora Giulia)

Giulia. (Da senno? no lo cognosseva miga).

Tonina. (Eh, mi lo cognosso a l’odor).

Todero. (Quella là me par siora Lugrezia.)

Tonina. (Aspettè, aspettè; retiremose che nol me veda. Andaremo^c qua ai baraini¹), (si levano e vanno dentro una porta)

Lugrezia. (Le xe andae via² sole, co fa tre matte).

Todero. (Siora mascara, fàllio?) (a Lugrezia)

Lugrezia. (Oe mascara?)

1. Osteria all’insegna della Luna
2. Voce che significa disprezzo.
3. Camera dove non si giuoca ad altro che a sbaraglino.

1. Bett. e Pap. hanno qui un punto fermo.
2. Bett.: Andemo.