Pagina:Goldoni - Opere complete, Venezia 1910, VIII.djvu/177

Da Wikisource.

LE DONNE GELOSE 167

Todero. (La diga, cara ela. Quello xe el mio codegugno e la mia camisiola).

Lugrezia. (Si ben. No m’aveu dà licenza che lo impresta via?)

Todero. (Chi xela quella mascara?)

Lugrezia. (No v’òi dito, un mio nevodo).

Todero. (Domattina vegnirò a tor la mia roba, sala?)

Lugrezia. (Gh’aveu i bezzi?)

Todero. (Siora sì. Ho vadagnà un pocoa de felippi e domattina sarò da ela).

Lugrezia. (Vardè che no i perde, fio. Sarave meggio che me i consegnessi a mi).

Todero. (Eh, siora no, vegnirò domattina. Ma la varda ben che ghe sia tutto).

Lugrezia. (No ve dubitè).

Todero. (Patrona, siora mascara).

Lugrezia. (Mascara, schiavo).

Todero. (Mai più impegno abiti. Le fa cussì ste donne. Le vadagna sul pegno, e po le nolizza la roba. Gran drettone1!) (da sè, parte)

SCENA XXXI.

Siora Giulia, siora Tonina e siora Chiaretta dalla camera2, e detti.

Lugrezia. Oe mascara. (a Baseggio)

Baseggio. A mi?

Lugrezia. Sì ben. A vu.

Baseggio. La comandi. (le va vicino)

Lugrezia. Domattina a bonora portème el codegugno e la camisiola, che a quella donna ghe xe vegnù da vender tutto, e la la vol assolutamente.

Baseggio. Siora sì, ghe la porterò.

  1. Accorte, furbe di prima riga.
  1. Bett.: un per.
  2. Bett. aggiunge: dei sbaraini.