Pagina:Goldoni - Opere complete, Venezia 1910, VIII.djvu/178

Da Wikisource.
168 ATTO SECONDO

Tonina. Ho visto, ho visto, siora; gran segreti con mio mario. (a Lugrezia, e parte)

Lugrezia. Oh pustu crepar!

Chiaretta. Vela qua la so mascara, la sarà contenta. (accennando Baseggio, e parte)

Lugrezia. Scagazzeraa.

Giulia. Con tutto el stilo, siora, ve la faremo veder. (parte)

Lugrezia. Se pol dar? Le gh’ha razon che semo a Redutto, ma le troverò. Dormìu, sior zocco? (ad Arlecchino che dorme)

Baseggio. Cossa xe sta?

Lugrezia. Gnente, gnente. Domattina v’aspetto.

SCENA XXXII.

Sior Boldo in maschera che passeggia, e detti.

Baseggio. Vegnirò senz’altro. (a siora Lugrezia) (Alla Luna Orsetta me aspetterà. Quella so mare me piase poco. Co la xe mia muggier, no vôi che la la pratica certo). (da sè, parte)

Lugrezia. (Mo un gran porco! El dorme sempre). (ad Arlecchino)

Boldo. (Quella la me par siora Lugrezia.)

SCENA XXXIII.

Siora Giulia, siora Tonina, siora Chiaretta che tornano; e detti.

Giulia. (El xe elo, ve digo). (a Tonino, accennando sior Boldo)

Tonina. (Andemo via).

Giulia. (Siora no. S’ala sodisfa ela? Me vôi sodisfar anca mi).

Boldo. (Siora mascara). (a Lugrezia)

Lugrezia. (Oe, mascara, dove xe la firma?)

Boldo. (Vela qua. Son vegnù a posta a portarghela).

Lugrezia. (Bravo! se un omo de garbo).

  1. Ingiuria che si dice a persona giovinetta, del valore a un più presso di pisciacchera e simili.