Pagina:Goldoni - Opere complete, Venezia 1911, XII.djvu/457

LE DONNE DE CASA SOA

451

ATTO SECONDO.

SCENA PRIMA.

Camera di Angiola.

Angiola e Grillo.

Anzola. Grillo, sentì, fio mio, tolè la sporteletta;

Voggio che andè da bravo a farme una spesetta.
In pescaria ghe xe del pesce in quantità;
M’ha dito siora Catte, che i lo dà a bon marcà.
Un poche de sardelle vorria mandar a tor,
Per cusinarle subito, e metterle in saor¹.
Grillo. Cara sior’Anzoletta, mi no son vegnù qua
Per far el servitor, ma per star in mezzà.
Andar colla sportella no la xe da par mio.

1. In savore.